Kiraŭnik «Marka» patłumačyŭ, jak sankcyi bjuć pa viciebskim abutku
Hiendyrektar chołdynhu «Marka» i deputat Viciebskaha abłsavieta Pavieł Martynaŭ u prahramie «Na suviazi deputat» paskardziŭsia, što pradpryjemstvu stała ciažej pracavać z-za sankcyj, zaŭvažyŭ telehram-kanał «Vitiebsk, ja hulaju!»
Pavodle słoŭ biznesmiena, kamplektujučyja ciapier u Viciebsk mohuć iści pa 3—4 miesiacy, tamu vytvorčaść davodzicca płanavać mocna zahadzia. A dla abutkovaha rynku heta prablema: moda chutkaja, tavar patrebien «siońnia i zaraz».
Martynaŭ tłumačyć, što zapusk novaj madeli moža raściahnucca amal na hod: tolki vyrab technałahičnaj matrycy zajmaje kala šaści miesiacaŭ, plus dastaŭka. Za hety čas možna nie ŭhadać z modaj, spaźnicca za kankurentami abo vyjści na rynak užo tady, kali madel pryjdziecca pradavać sa źnižkami i stratami.
Asobna jon zhadaŭ Italiju, dzie sam vučyŭsia abutkovaj spravie. Raniej «Marka» aktyŭna brała tam materyjały i kamplektujučyja, ale ciapier, pavodle słoŭ Martynava, supraca mocna skaraciłasia: «pracujem my ź Italijaj, ale heta vielmi mała», mnohija italjanskija partniory admaŭlajucca pracavać u ciapierašnich umovach.
Uładalnik Marko pakazaŭ, jakija ich tufli nosić Łukašenka
«Ubačyła padešvu — žachnułasia»: žycharka Bresta pakazała, što stała ź jaje abutkam ad «Marka» paśla prahułki pa śniezie
Łukašenka: Usie chočuć kupić adzieńnie ad «Hučy» i «Viersače». Ale navošta tracicie hrošy na takuju drabiazu
Łukašenka raskazaŭ, jaki abutak nosić
U viciebskaj kałonii prymajuć dla asudžanych tolki abutak firmy «Marka»
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
na nahach tufli - Marka
nie chadzi ty małacholny kala lasarpaka