Vykradalniki Nensi Hatry jašče ŭ lutym paviedamili, što jana pamierła, i vybačylisia
Jaje vykrali ŭ noč na 1 lutaha sa svajho domu ŭ Aryzonie, a dačka, viadomaja televiadučaja, davała miljon dalaraŭ za infarmacyju pra maci.
U zapiscy, atrymanaj na pačatku lutaha ad mierkavanych vykradalnikaŭ Nensi Hatry, havaryłasia, što 84‑hadovaja maci amierykanskaj televiadučaj Savany Hatry pamierła nieŭzabavie paśla svajho źniknieńnia, piša Bi-bi-si.
Nensi Hatry źnikła ŭ noč z 31 studzienia na 1 lutaha sa svajho doma niedaloka ad Tusona (štat Aryzona). U nastupnyja dni jaje siamja i miascovyja ŚMI atrymali dźvie zapiski ad ludziej, jakija śćviardžali, što ŭtrymlivajuć jaje.
U pieršaj, razasłanaj na nastupny dzień, vykradalniki patrabavali vykup u bitkoinach, ekvivalentny miljonam dalaraŭ. Druhaja pryjšła 6 lutaha: u joj užo nie ŭtrymlivałasia nijakich patrabavańniaŭ i paviedamlałasia, što pažyłaja žančyna pamierła, nasupierak voli vykradalnikaŭ. Jany taksama prasili prabačeńnia pierad svajakami niabožčycy, paviedamlajuć amierykanskija ŚMI sa spasyłkaj na krynicy.
Paśla atrymańnia druhoj zapiski Savana Hatry vypuściła videazvarot da vykradalnikaŭ ad imia ŭsioj siamji. «My atrymali vaša paviedamleńnie i razumiejem. Molim vas viarnuć nam našu maci», — kazała jana, dadaŭšy, što siamja hatovaja zapłacić.
U sakaviku ŭ intervju NBC Savana Hatry raskazała, što siamja atrymała niekalki zapisak z patrabavańniami vykupu i častka ź ich zdavałasia falšyvymi. Tady ž jana skazała, što pieršyja dźvie ličyć sapraŭdnymi.
Departamient šeryfa akruhi Pima admoviŭsia kamientavać źmiest zapisak, ale zajaviŭ, što rasśledavańnie aktyŭna praciahvajecca. «Departamient šeryfa akruhi Pima praciahvaje ciesna pracavać z FBR: śledčyja praviarajuć dokazy, analizujuć infarmacyju i źbirajuć fakty, źviazanyja z hetaj spravaj», — zajaviła pradstaŭnik miascovaj palicyi.
U paniadziełak CBS i inšyja ŚMI paviedamili, što pravaachoŭniki paprasili miedyja nie publikavać źmiest zapisak, pakul rasśledavańnie praciahvajecca.
Ciapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii2
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary