Nie stała Michaiła Majeva, zahadčyka mastacka-pastanovačnaj častki staličnaha Teatra lalek, byłoha techničnaha kiraŭnika sceny ŭ Kupałaŭskim teatry, admietnaj fihury biełaruskaha teatra, piša Reform.news.
«My stracili čałavieka, bieź jakoha nie vychodziŭ nivodzin śpiektakl. Kožnaja pastanoŭka, jakaja idzie siońnia i budzie iści zaŭtra, zachavaje pamiać i ŭdziačnaść Michaiłu za plon i addanaść», — paviedamiŭ siońnia pra stratu kalektyŭ Teatra lalek.
U minskim lalečnym Michaił Majeŭ pracavaŭ z 2022 hoda. Da hetaj pary jon słužyŭ u Kupałaŭskim, dzie byŭ u svoj čas važnaj postaćciu, prajšoŭšy ŭsie stupieni zakulisnaha žyćcia. U starych prahramkach jaho imia značyłasia ŭ radku «Śpiektakl viaduć…» — jon pracavaŭ pamočnikam režysiora, paśla byŭ zahadčykam trupy, a z časam uznačaliŭ mastacka-pastanovačnuju častku. Mienavita jon poŭnaściu zabiaśpiečvaŭ techničny bok i zapusk sceny Kupałaŭskaha paśla jaho maštabnaj rekanstrukcyi ŭ 2013 hodzie.
U žniŭni 2020 hoda Michaił adkryta vykazaŭ svaju hramadzianskuju pazicyju, padpisaŭšy sumiesny zvarot viadomych artystaŭ i daktaroŭ da ŭładaŭ suprać hvałtu.
Zastajučysia na pasadzie namieśnika hienieralnaha dyrektara pa mastacka-pastanovačnaj častcy ŭ razhromlenym teatry, u listapadzie 2020‑ha jon iranična prakamientavaŭ sproby ŭład pravieści kastynhi dla naboru novaj trupy:
«Dy nie budzie teatra! Prynamsi ŭ hetym siezonie. Da toj pary, pakul nie źmienicca situacyja».
U 2022 hodzie Michaił Majeŭ pierajšoŭ u Biełaruski dziaržaŭny teatr lalek, dzie pracavaŭ da apošnich dzion.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8383
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu83
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary