Skončyłasia historyja z varoninym hniazdom, źvitym na budaŭničym kranie ŭ «Minsk-Śviecie»
U kancy krasavika vydańnie «Smartpres» napisała pra toje, jak u «Minsk-Śviecie» para šerych varon źviła hniazdo prosta na viežavym kranie i navat patrabavała ad kranaŭščyka «chabar», suprać čaho jon u pryncypie i nie pratestavaŭ. Ciapier stała viadoma, čym skončyłasia heta historyja.
Čas išoŭ, i historyja raźvivałasia: u hniaździe, da stvareńnia jakoha, darečy, prykłaŭ ruku i kranaŭščyk Eduard, jaki kinuŭ tudy drot, źjavilisia jajki. U poŭnaj kładcy ich było piać, ale potym adno kudyści źnikła. Vierahodna, stała abiedam dla kahości z drapiežnych ptušak.
Adnojčy ranicaj u siaredzinie maja, załaziačy na svajo pracoŭnaje miesca, apieratar krana ŭbačyŭ, što varony stali baćkami: siarod jajek lažała tolki što vyłuplenaje ptušania. Na nastupny dzień małych užo było dvoje. A voś z astatnich jajek nichto nie vyłupiŭsia, i z časam jany źnikli z hniazda.
«Dvajniaty» ž, jakija źjavilisia na śviet, raśli. Baćki pilna sačyli za patomstvam, pahroźliva kružlajučy navat nad svaim karmilcam Eduardam, kali toj padymaŭsia na kran i spuskaŭsia ź jaho.
Na žal, achova hniazda akazałasia niedastatkovaj, i leta dla varoniaj pary pačałosia ź niepryjemnych navin: u hniaździe zastałosia tolki adno ptušania.
«Padobna, kaniec historyi», — takoje paviedamleńnie Eduard dasłaŭ hetaj ranicaj razam ź niekalkimi fatahrafijami i videa.
Na ich — apuściełaje hniazdo, a niepadalok ad jaho adziny vyžyły «spadčyńnik» varoniaj pary. Jon žyvy-zdarovy i narešcie pakinuŭ baćkoŭski dom.
Hetaja siamiejnaja historyja i praŭda nabližajecca da kanca. Pakul źlotak upeŭniena nie stanie na kryło, baćki buduć pablizu, a paśla siamiejstva pakinie abžytaje miesca.
Zvyčajna varony nie vykarystoŭvajuć svaje hniozdy paŭtorna. Časam jany raźbirajuć minułahodniaje žytło na budmateryjały dla novaha doma, jaki budujuć niepadalok. A časam staryja varoniny hniozdy stanoviacca prytułkam dla inšych ptušak, naprykład, soŭ abo drobnych sokałaŭ. Adnak ža čakać novych piernatych susiedziaŭ na budoŭli nie stali: hniazdo ŭžo razabrali i ŭtylizavali.
U «Minsk-Śviecie» varony źvili hniazdo prosta na viežavym kranie i ciapier patrabujuć ad kranaŭščyka «chabar»
Nacbank pačynaje pradavać maniety z šeraj varonaj
U Žodzinie raźviałosia šmat varon, žychary bjuć tryvohu. Ci sapraŭdy varta niepakoicca?
«Najlepšaje ŭ žyćci — bačyć, jak uźlatajuć ci ŭciakajuć tyja, kamu my dapamahli». Biełaruska raskazała, jak ratuje dzikich žyvioł
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
... ili obiedom dla kranovŝika ;) A potom on zachotieł voronu-hriłl, i isčiez ptieniec ;)