Draže M&M’s buduć vypuskać biez štučnych farbavalnikaŭ, ale źmienšać kolkaść koleraŭ
Kampanija Mars rychtuje da vypusku novuju viersiju draže M&M’s biez štučnych farbavalnikaŭ. Adnak na pieršym etapie va ŭpakoŭkach papularnaha łasunku nie budzie sinich i karyčnievych cukierak praz składanaści z atrymańniem takich naturalnych koleraŭ, piša The Wall Street Journal.
Čyrvony, aranžavy i žoŭty kolery atrymałasia stvaryć z vykarystańniem naturalnych inhredyjentaŭ, takich jak buraki i kurkuma. Dla siniaha Mars vykarystoŭvaje śpirulinu, ale dla atrymańnia patrebnaha adcieńnia jaje patrabujecca prykładna ŭ siem razoŭ bolš, a koler usio adno atrymlivajecca značna śviatlejšy. Karyčnievy koler taksama akazaŭsia prablemnym, bo dla jaho nieabchodny sini pihmient.
Spačatku kampanija razhladała vypusk draže tolki troch koleraŭ, ale takaja palitra zanadta nahadvała zachad sonca. U vyniku da jaje vyrašyli dadać zialony koler, jaki taksama stvarajecca sa śpiruliny, ale patrabuje značna mienš farbavalnika.
Pavodle vynikaŭ testavańnia, pakupniki nie zaŭvažyli roźnicy ŭ smaku pamiž M&M's z naturalnymi i štučnymi farbavalnikami.
Novaja viersija spačatku budzie pradavacca tolki praz Amazon, a kłasičnyja M&M's zastanucca ŭ prodažy. A da 2028 hoda Mars płanuje vypuskać draže z naturalnymi farbavalnikami va ŭsich šaści tradycyjnych kolerach.
Pierachod na naturalnyja farbavalniki adbyvajecca na fonie ŭzmacnieńnia ŭvahi da biaśpieki charčovych dabavak u ZŠA i cisku na vytvorcaŭ z boku amierykanskich uładaŭ.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary