Sabalenka patłumačyła, čamu niekatoryja ludzi dumajuć, što jana ścierva
Pieršaja rakietka śvietu biełaruska Aryna Sabalenka vykazała zdahadku ŭ intervju The Guardian, čamu ź pieršaha pohladu časta nie padabajecca ludziam. «Heta toje, z čym ja naradziłasia».
Cabalenka skazała, što razumieje, čamu ŭ ludziej moža być praduziataść da jaje. Pavodle jaje słoŭ, jość adna reč, jakaja prymušaje ludziej dumać, što jana niepryjaznaja. Heta jaje tvar.
«Kali vy bačycie mianie ŭpieršyniu, vy, vierahodna, padumajecie, što ja ścierva, praz moj słavianski tvar. Heta zusim nie dapamahaje», — skazała jana.
Karespandent paćviardžaje, što kali raptam Sabalenka stanovicca surovaj, niaŭśmiešlivaj, z doŭhim i niezadavolenym tvaram, to ź joj i praŭda nie zachaciełasia b źviazvacca.
«Kali ja idu z hetym płoskim tvaram i biez emocyj, ja mahu vyhladać vielmi ahresiŭna. Tamu ja razumieju, čamu niekatoryja ludzi ličać mianie ściervaj. Kali paznaješ mianie bližej, razumieješ, što heta prosta toje, z čym ja naradziłasia».
Ciapier čytajuć
Kolkaść sudoŭ pa palityčnych kryminałkach źmienšyłasia ŭ razy1
Kamientary