Jaŭhien Vasiljeŭ nibyta na noč u adzinočku vypiŭ 2 butelki viski, paśla čaho ŭ jaho numar pranik niejki mužčyna — a ranicaj jaho znajšli miortvym.
U Breście znajšli pamierłym syna rasijskaj pravaabaroncy Aleny Vasiljevaj.
25 červienia Jaŭhien Vasiljeŭ vyjechaŭ z Maskvy ŭ Brest, kab adźniać tam konkurs manikiuru Star Time: Vasiljeŭ pracavaŭ vykanaŭčym dyrektaram u adnoj z maskoŭskich fotastudyj, raskazała jaho maci kanału «Sota».
Pra śmierć syna Vasiljeva daviedałasia ad jaho siabra ŭ Maskvie, ź jakim źviazałasia kiraŭnica hrupy arhanizataraŭ konkursu. Pavodle jaje słoŭ,
mužčyna nibyta na noč u adzinočku «pry natoŭpie ŭ 15 čałaviek» vypiŭ 2 butelki viski, paśla čaho ŭ jaho numar pranik niejki mužčyna — a ranicaj Vasiljeva znajšli miortvym.
Jaho maci adznačaje, što ałkahol u vialikich dozach toj nikoli nie ŭžyvaŭ.
Pavodle słoŭ Vasiljevaj, jakaja ŭ 2017 hodzie atrymała prytułak u Finlandyi i atrymlivała ŭ apošni čas šmat ananimnych pahroz zabojstvam, syn, jaki zastavaŭsia ŭ Rasii, dapamahaŭ joj u mnohich antyvajennych prajektach, pačynajučy z 2014 hoda: trymaŭ suviaź z Barysam Niamcovym, źbiraŭ statystyku pra zahinułych na vajnie rasijan, stvaraŭ antyvajennyja płakaty.
Alena Vasiljeva — rasijskaja pravaabaronca, z 2014 hoda składała śpis «Hruz 200» z rasijskich vajskoŭcaŭ, jakija zahinuli, vajujučy va Ukrainie.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary