Dvuch paciarpiełych u Branskaj vobłaści dziaciej płanujuć vypisać dadomu
Minzdaroŭja raskazała, jakaja situacyja z paciarpiełymi ž vyniku ŭdaru 17 červienia pa aŭtobusie ŭ Branskaj vobłaści biełarusami.
«Siońnia dniom płanujecca vypiska dvuch dziaciej, jakija prachodzili lačeńnie ŭ RNPC dziciačaj chirurhii. Ich stan zdavalniajučy, jany buduć nakiravany dadomu ŭ Homielskuju vobłaść», — paviedamili ŭ Minzdaroŭja.
Pavodle słoŭ dyrektara RNPC Kanstancina Drazdoŭskaha, pacyjentam była akazana ŭsia nieabchodnaja vysokatechnałahičnaja miedycynskaja dapamoha.
Adno dzicia praciahvaje lačeńnie ŭ RNPC dziciačaj chirurhii.
Dvoje pieraviedzienyja ŭ 6‑iu haradskuju kliničnuju balnicu Minska, taksama praciahvajuć lačeńnie. Chirurhičnyja apieracyi prajšli paśpiachova, biełaruskija miedyki praciahvajuć akazvać paciarpiełym usiu nieabchodnuju miedycynskuju dapamohu ŭ poŭnym abjomie.
Što tyčycca darosłaha paciarpiełaha, jaho stan aceńvajecca jak stabilny, pacyjent upeŭniena idzie na papraŭku.
Raniej paviedamlałasia, što situacyja z udaram pa aŭtobusie siońnia viečaram budzie abmierkavanaja na pasiadžeńni Rady biaśpieki AAN.
Incydent ź biełaruskim aŭtobusam zdaryŭsia 17 červienia ŭ Branskaj vobłaści. Tady byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Rasijskija ŭłady śćviardžali, što ŭdar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści. Ich usich adrazu ŭ Biełaruś.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary