Infancina: ČS-2026 — najlepšy ŭ historyi. Va ŭsim śviecie panuje ščaście
«Finał budzie padobny da sapraŭdnaha fiejervierku. Heta budzie niešta nievierahodnaje», — skazaŭ prezident FIFA
Prezident FIFA Džani Infancina nazvaŭ čempijanat śvietu 2026 hoda najlepšym turniram u historyi, piša sports.ru.
«Finał budzie padobny da sapraŭdnaha fiejervierku. Heta budzie niešta nievierahodnaje. Śviet niby spynicca, i try miljardy čałaviek ubačać, čym zavieršycca hety čempijanat śvietu.
Čempijanat śvietu atrymlivajecca sapraŭdy cudoŭnym, unikalnym i nievierahodnym. Tut hulajuć najlepšyja futbalisty, najlepšyja zbornyja, stadyjony zapoŭnienyja, a ŭsiudy panuje sapraŭdnaje śviata.
Śviet spyniajecca i hladzić. Heta najlepšy čempijanat śvietu ŭ historyi — kali ŭličvać i minułaje, i sučasnaść. Akramia taho, jon rychtuje nas da budučyni. Ja ŭjaŭlaŭ, što turnir budzie maštabnym, ale nie nastolki. Nie takoha razmachu, nie z takoj atmaśfieraj, śviatam i enierhijaj.
Va ŭsim śviecie panuje ščaście. Viadoma, kali ty prajhraješ, tabie sumna, ale ludzi pryjechali z usich kutkoŭ płaniety, kab śviatkavać futboł. U nas nie było incydentaŭ. Siudy pryjechali ludzi z usiaho śvietu, i ŭsie jany śviatkujuć futboł.
Na turniry zhulali ŭsie čempijony, ale źjavilisia i novyja kamandy, i novyja krainy. My ŭbačyli historyi, jakija zdolny napisać i pieratvaryć u lehiendu tolki futboł», — skazaŭ Infancina.
Siońnia apoŭnačy pa biełaruskim časie adbudziecca matč za 3‑ie miesca pamiž Anhlijaj i Francyjaj.
Zaŭtra a 22‑j hadzinie ŭ Ist-Ruterfordzie finał Ispanija — Arhiencina.
Sioleta ŭpieršyniu ŭ čempijanacie śvietu pa futbole ŭziali ŭdzieł 48 kamandaŭ. Z 1982 pa 1994 hod udzielničali 24 zbornyja, a z 1998 hoda — 32 zbornyja.
Ale Infancina zajaviŭ, što, mahčyma, u budučyni ŭ čempijanacie śvietu buduć udzielničać 64 zbornyja (zaraz FIFA naličvaje 211 zbornych).
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary