64‑hadovaja žančyna ŭ ZŠA atruciła siabie, dačku i čaćviarych unukaŭ
Trahičny incydent adbyŭsia ŭ červieni ŭ nievialikim horadzie Miechanikvił u štacie Ńju-Jork.
Kali palicyjanty ŭvajšli ŭ dom 64‑hadovaj Emi Stedman, jany vyjavili šeść cieł. Zahinułyja pralažali tam nie mienš za dva tydni, Palicyja vyjaviła cieły 23 červienia, ale apublikavała infarmacyju pra hetuju spravu tolki niadaŭna, piša Bild.
Usie zahinułyja byli členami adnoj siamji. Akramia samoj Stiedman, achviarami stali jaje dačka Sara Majers (44 hady) i čaćviora dziaciej Majers: Charpier (13 hadoŭ), Chadsan (11 hadoŭ) i bliźniaty Hevin i Hrejślin Charman (abodvum pa 10 hadoŭ).
U kvatery śledčyja taksama znajšli mnostva dokazaŭ, jakija pakazvajuć na toje, što mienavita 64‑hadovaja žančyna zabiła svaju siamju.
Na pres-kanfierencyi načalnik palicyi Uiljam Rebit acharaktaryzavaŭ zdareńnie jak naŭmysnaje atručeńnie z vykarystańniem vialikich doz jak biezrecepturnych, tak i recepturnych preparataŭ.
Była znojdziena i pieradśmiarotnaja zapiska.
Vierahodny matyŭ-sprečka ab apiecy z baćkam dziaciej, jakomu, pa danych časopisa People, niezadoŭha da hetaha było pradastaŭlena prava bačycca ź imi na praciahu 60 dzion. Mahčyma, Stedman chacieła pieraškodzić tamu, kab dziaciej zabrali ŭ jaje dački.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club2
Kamientary
no vsiehda žienŝiny