FSB abvinavaciła repiera Kyivstoner u padrychtoŭcy ataki bieśpiłotnikaŭ na pradpryjemstva ŭ Padmaskoŭi
Z anhara płanavałasia dystancyjna zapuścić 35 FPV-dronaŭ ź sistemami kiravańnia kanadskaj vytvorčaści.
FSB paviedamiła pra spynieńnie padrychtoŭki SBU maštabnaj ataki na stratehičnaje pradpryjemstva ŭ žyłym siektary Maskoŭskaj vobłaści z vykarystańniem bieśpiłotnikaŭ, jakija byli dastaŭlenyja ŭ Rasiju kantrabandnym šlacham.
Pavodle źviestak śpiecsłužby, z anhara kala pradpryjemstva płanavałasia dystancyjna zapuścić 35 FPV-dronaŭ ź sistemami kiravańnia kanadskaj vytvorčaści.
Hramadzianin Rasii, jaki arandavaŭ anhar, byŭ zavierbavany ŭkrainskim bokam i padčas zatrymańnia akazaŭ uzbrojenaje supraciŭleńnie, paśla čaho byŭ zabity ahniom u adkaz, zajavili ŭ viedamstvie. Mierkavany vykanaŭca ataki zatrymany, suprać jaho zaviedziena kryminalnaja sprava pa artykule ab teraryźmie.
Taksama ŭ FSB zajavili, što da padrychtoŭki apieracyi pryciahvalisia dvoje hramadzian Małdovy, jakija pakinuli Rasiju paśla vykanańnia zadańnia, a taksama niepaŭnaletnija, jakim daručali aktyvacyju SIM-kart.
Pavodle infarmacyi viedamstva, da arhanizacyi ataki nibyta datyčny błohier i repier, viadomy pad psieŭdanimam Kyivstoner (sapraŭdnaje imia — Albiert Vasiljeŭ), jaki ŭ 2016‑2017 byŭ udzielnikam prajekta «Hryby» — aŭtar nieśmiarotnaha chita «Tajet lod».
Kyivstoner admoviŭ datyčnaść da padrychtoŭki ataki bieśpiłotnikaŭ u Padmaskoŭi
«Šo, na?», — zajaviŭ Albiert Vasiljeŭ, kamientujučy abvinavačańni ŭ svajoj datyčnaści da padrychtoŭki ataki dronaŭ na nienazvanaje pradpryjemstva ŭ Maskoŭskaj vobłaści.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary