U Biełaruś vierniecca karcina mastaka Paryžskaj škoły Jakava Bałhleja
Inicyjatyva Maldzis vykupiła karcinu «Partret žančyny» vychadca ź Biełarusi Jakava Bałhleja. U budučyni tvor mastactva budzie pieradadzieny na radzimu mastaka — u Muziej historyi Bresta.
Inicyjatyva Maldzis 13 lipienia ŭ Varšavie pradstaviła čarhovy tvor, vykupleny dla pieradačy ŭ budučyni ŭ biełaruski muziej, piša Radyjo Svaboda.
Hetym razam na aŭkcyjonie ŭ Hiermanii biełarusy vykupili karcinu pradstaŭnika Paryžskaj škoły Jakava Bałhleja «Partret žančyny».
Jakaŭ Bałhlej naradziŭsia ŭ 1891 hodzie ŭ Breście ŭ siamji ravina. Vyvučaŭ miedycynu ŭ Sankt-Pieciarburhu, vučyŭsia ŭ Adeskaj malavalnaj škole imia Hrekava. U 1911 hodzie pierajechaŭ u Paryž, dzie navučaŭsia architektury i fiłasofii. Jak i mnohija inšyja maładyja mastaki Paryžskaj škoły, Jakaŭ Bałhlej žyŭ u viadomaj kamunie «Vulej». U 1920 hodzie pastupiŭ u Škołu dekaratyŭnaha mastactva.
Pavał Macukievič padkreślivaje, što Bałhlej apynuŭsia na Parnasie i staŭ adnym ź jaskravych pradstaŭnikoŭ Paryžskaj škoły.
«Jahonyja aforty byli pryznanyja adnymi ź lepšych. A ŭ Biełarusi hetaje imia mastaka zastajecca nieviadomym: padziei XX stahodździa akazalisia macniejšymi za našu pamiać. Jakaŭ Bałhlej pamior davoli maładym, u 43 hady. Paśla jaho zastalisia karciny, raskidanyja pa śviecie. Siońniašniaja padzieja vielmi važnaja, bo viartajecca imia mastaka rodam z Bresta. Jon byŭ častkaj historyi suśvietnaha mastactva.
A biełaruskaja kultura stvarałasia pradstaŭnikami roznych nacyjanalnaściej. Na žal, my nie viedajem, adkul rodam hetaja žančyna, nie viedajem jaje imia. Viedajem tolki, što namalavanaja jana ŭ Paryžy pamiž 1920‑m i 1930‑m hadami. Nabyli karcinu my ŭ Hiermanii na aŭkcyjonie. I heta imia — Jakava Bałhleja — viartajecca da nas», — kaža Pavał Macukievič.
Jon padziakavaŭ biełarusu Paŭłu Sienčanku dy inšym miecenatam, jakija pažadali zastacca niepubličnymi i pieradali svaje asabistyja srodki na nabyćcio karciny. U budučyni «Partret žančyny» budzie pieradadzieny ŭ Muziej historyi Bresta.
«Hetaja maładaja žančyna stanie simvałam viartańnia dadomu. Jak inšaja karcina našaha słavutaha ziemlaka stała simvałam pratestu ŭ 2020 hodzie», — pierakanany Pavał Macukievič.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra12
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary
- kamu de-fakta naležyć tvor ciapier? Heta fizičnaja asoba, ci pradpryjemstva Astapieni? Chto faktyčny ŭłaśnik?
- "u budučyni tvor budzie pieradadzieny" - heta ŭ jakoj budučyni? Jakija ŭmovy treba vykanać (i kamu?), kab tvor byŭ pieradadzieny? Ci jość niejkija ramki ŭ časie? Kankretniej, kali łaska.
- ci jość niejkaja adkaznaść faktyčnaha ŭłaśnika za nievykanańnie abiacańniaŭ pieradać tvor? Jakaja? Jakim jurydyčnym dakumientam jana zafiksavana?
Pytańni i adkazy na ich važnyja. Inakš davoli vialikaja ryzyka, što atrymajecca abiacanka-cacanka.