Ukraincy kantralujuć pavietra vakoł Kryma. Za noč źniščana jašče 10 tankieraŭ
Kamandujučy Siłami bieśpiłotnych sistem Ukrainy Robiert Broŭdzi («Madziar») zajaviŭ, što ŭnočy 10 lipienia ŭ akvatoryi na padychodach da akupavanaha Kryma byli naniesieny ŭdary pa 13 sudnach, jakija, pavodle jaho słoŭ, uvachodziać u tak zvany «cieniavy fłot» Rasii.
Robiert Broŭdzi śćviardžaje, što siarod celaŭ, jakija ŭdałosia źniščyć, byli dziesiać tankieraŭ, adzin suchahruz, adzin parom i adzin marski buksir. Pavodle jaho infarmacyi, usie hetyja sudny znachodziacca pad mižnarodnymi sankcyjami.
Taksama «Madziar» paviedamiŭ, što za apošnija piać sutak padraździaleńni bieśpiłotnych sistem źniščyli 48 płyvučych srodkaŭ, i nazvaŭ heta vynikam sistematyčnaha asłableńnia rasijskaj łahistyki na mory.
Akramia taho, jon zajaviŭ, što ŭ miežach apieracyi pad nazvaj «Krymski rubilnik off» unočy 10 lipienia byli atakavanyja piać elektrapadstancyj u akupavanym Krymie. Pavodle jaho słoŭ, havorka idzie pra abjekty ŭ nasielenych punktach Małočnaje, Saki, Jeŭpatoryja i Miadźviedzieva.
Pavodle hetaj ža zajavy, ciaham nočy bieśpiłotniki taksama nanieśli ŭdary pa 41 vajskovym abjekcie na terytoryi Kryma i paŭdniovaj častcy akupavanych terytoryj Ukrainy. Akramia taho, paviedamlajecca, što za sutki na linii frontu ŭdałosia źniščyć 1660 varožych celaŭ, u tym liku, jak śćviardžajecca, likvidavanyja 426 rasijskich vajskoŭcaŭ.
Čarhovaja ataka BPŁA na Rasiju — harać dźvie naftabazy, u Tahanrohskim zalivie paškodžany tankiery
Va USU zajavili pra źniščeńnie 19 tankieraŭ u Azoŭskim mory. Jany mahli vazić bienzin u Krym
Ministr abarony Ukrainy: Najbližejšym časam Krym pieratvorycca ŭ vostraŭ
Madziar: Krym izalujem u najbližejšaj budučyni
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary