Prezident Ukrainy nazvaŭ heta histaryčnym aniekdotam.
Uładzimir Zialenski zajaviŭ, što Ukraina ŭžo istotna padarvała zabieśpiačeńnie Rasii palivam, z-za čaho kraina-ahresar, jakaja tradycyjna ekspartavała enierhanośbity, ciapier vymušana impartavać paliva, u tym liku z dapamohaj Biełarusi.
Pra heta kiraŭnik ukrainskaj dziaržavy skazaŭ padčas razmovy z žurnalistami, adkazvajučy na pytańnie, ci zdolnaja Ukraina dypłamatyčnymi ci inšymi namahańniami pieraškodzić pastaŭkam haručaha ŭ Rasiju ź niejtralnych krain, takich jak Indyja, Kitaj, Kazachstan.
«Ščyra kažučy, Vaša pytańnie hučyć jak histaryčny aniekdot. Praŭda. Kraina takaja, jak Rasija, ekanomika jakoj zaŭsiody była aryjentavana na ekspart svaich enierhanośbitaŭ, siońnia zajmajecca tym, kab niedzie znajści paliva, niejkim čynam pavialičyć mahčymaść zakupki, impartu paliva. To ci pieraškodzić Ukraina? Užo Ukraina pieraškodziła. My ŭžo heta zrabili», — skazaŭ jon.
Zialenski dadaŭ, što ciapier Biełaruś taksama znachodzicca siarod krain, jakija dapamahajuć Rasii z palivam.
«Ja dumaju, kali b Jelcyn viedaŭ, što praz 20+ hadoŭ Rasija zamiest ekspartu budzie impartavać enierhanośbity praz toje, što jana sama, durnavataja, vyrašyła pačać vajnu, ja dumaju, što Jelcyn abraŭ by inšaha pierajemnika», — adznačyŭ jon.
Za apošni čas Ukraina ŭzmacniła ataki dronami pa rasijskaj enierhietyčnaj infrastruktury. Heta mocna adbiłasia na zabieśpiačeńni palivam akupacyjnych vojskaŭ, a ŭ anieksavanym Krymie naohuł pryviało da spynieńnia prodažu paliva nasielnictvu.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała8
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2626
Kamientary
fakt v tom, čto postavlajet. vsie ostalnoje značienija NIE IMIEJET. [Red. Vydalena]..
i da!!! udariť nado, po odnomu, dla načała... čtoby došło sovchoznomu stratiehu..
[Zredahavana]