Prachadnyja bały ŭ miedycynskija ŭniviersitety ŭpieršyniu istotna ŭpali LIČBY
Prachadnyja bały ŭ miedycynskija ŭniviersitety sioleta značna źnizilisia. Tak, kali ŭ 2025 hodzie, kab vučycca na lačebnym fakultecie staličnaha BDMU za košt biudžetu, treba było nabrać 386 bałaŭ, to ciapier prachadny paroh upaŭ da 332. Takaja karcina nazirajecca ŭpieršyniu. Z čym heta źviazana?
BDMU
Prachadnyja bały na inšyja śpiecyjalnaści ŭ BDMU taksama źnizilisia. U 2026 hodzie dla piedyjatryčnaha fakulteta patrabavałasia 319 bałaŭ (padzieńnie za hod na 49 bałaŭ), dla miedyka-prafiłaktyčnaha nakirunku dastatkova było nabrać 273 bały (padzieńnie na 61 bał). Na farmaceŭtyčnym ža fakultecie padzieńnie skłała ažno 98 bałaŭ — 283 u 2026‑m suprać 381 u 2025-m.
U bolš-mienš stabilnym stanie tolki stamatałahičny fakultet — siudy trapili abituryjenty minimum z 388 bałami (u 2025‑m hodzie prachadny bał składaŭ 392).
Tak ci inakš, u hałoŭnuju miedycynskuju navučalnuju ŭstanovu stalicy tradycyjna padavali dakumienty mocnyja vypuskniki — bolš za pałovu ź ich padčas ustupnaj kampanii nabrali bolš za 360 bałaŭ. Na stamatałahičny ž nakirunak padali dakumienty dvoje abituryjentaŭ z maksimalnymi 400 bałami.
Varta adznačyć, što ŭpieršyniu ŭ BDMU dola metavych miescaŭ skłała ažno 60% ad ahulnaj kolkaści biudžetnych. Pryčym zamoŭcam vystupała zbolšaha Ministerstva achovy zdaroŭja.
Siaredni konkurs pa VNU skłaŭ 1,8-1,9 čałavieka na miesca.
Hrodzienski miedycynski ŭniviersitet
Kab navučacca ŭ Harodni pa miedycynskim kirunku, u hetym hodzie treba było nabrać 262 bały na lačebny fakultet (suprać 363 u 2025-m), 229 — na piedyjatryčny (u 2025 hodzie paroh składaŭ 344 bały) i 279 na miedyka-dyjahnastyčny (u 2025‑m patrabavałasia 365 bałaŭ).
Navat dla płatnaj formy navučańnia, jakaja była dastupnaja jašče hod tamu, prachadnyja bały byli vyšejšymi za tyja, jakich chapiła biudžetnikam sioleta — ad 331 da 345 bałaŭ.
Dla metavikoŭ prachadnyja bały skłali ad 150 da 174, u zaležnaści ad śpiecyjalnaści. Pry hetym kali ŭ 2025 hodzie ich było 80% ad ahulnaj kolkaści biudžetnikaŭ, to sioleta płan pryjomu metavikoŭ źniziŭsia da 65%.
Vyrasła i ahulnaja kolkaść abituryjentaŭ, jakija vyrašyli pasprabavać pastupić mienavita ŭ Harodni — takich stała na 200 bolš u paraŭnańni ź minułym hodam, i, jak śledstva, sam konkurs u siarednim pa ŭniviersitecie pavialičyŭsia. Najbolšaja kankurencyja razharnułasia na piedyjatryčnym fakultecie — 1,5 čałavieka na miesca.
Homielski dziaržaŭny miedycynski ŭniviersitet
Kab vučycca na śpiecyjalnaści «lačebnaja sprava» ŭ hetym VNU, dastatkova było nabrać 262 bały (suprać 346 u 2025-m). Na miedyka-dyjahnastyčnuju spravu zaličvali z vynikam 255 bałaŭ (suprać 347 u 2025-m), na miedyka-prafiłaktyčnuju spravu — z 248 bałami (suprać 316 letaś).
Dla płatnikaŭ u minułym hodzie taksama była pastaŭlenaja dosyć vysokaja płanka — ź mienš jak 305 bałami nie było na što i pretendavać na nivodnym z fakultetaŭ.
Konkurs pa asobnych śpiecyjalnaściach u Homieli skłaŭ bolš za dva čałavieki na miesca.
Viciebski miedycynski ŭniviersitet
Sioleta ŭ viciebskim mieduniviersitecie nabor na biudžetnaje navučańnie pavialičyli na 105 miescaŭ. U vyniku pa-za metavaj padrychtoŭkaj na biudžet siudy pryniali 333 čałavieki.
Viadoma, što konkurs u zaležnaści ad śpiecyjalnaści skłaŭ ad 1,2 da 1,9 čałavieka na miesca, adnak kankretnyja ličby prachadnych bałaŭ na biudžet pryjomnaja kamisija pakul nie apublikavała.
Na aficyjnym sajcie VDMU pakul dastupnyja tolki ličby dla zaličanych u miežach metavaj padrychtoŭki — na lačebnaj spravie prachadny bał varjiravaŭsia ad 128 da 179 bałaŭ u zaležnaści ad arhanizacyi, ad jakoj padavaŭsia abituryjent. Na stamatałahičny fakultet metavikam patrabavałasia nabrać 174 bały, na piedyjatryčny — 134. Budučych farmaceŭtaŭ prymali z vynikam ad 152 bałaŭ i vyšej.
Z čym ža źviazanaje padzieńnie prachadnych bałaŭ?
Najpierš, jak adznačyli ŭ samim Ministerstvie adukacyi, z pavialičanym naboram na biudžet. Ahułam pa krainie ŭ miedycynskija ŭstanovy dadali 760 biudžetnych miescaŭ. Kali razhladać heta na prykładzie BDMU, to ŭ 2025‑m tam čakali 255 vypusknikoŭ na biudžetnuju dzionnuju formu navučańnia. U 2026‑m ža takich miescaŭ stała ŭžo 601.
Ź inšaha boku, mahčymaść vučycca płatna na dzionnym u abituryjentaŭ zabrali zusim. Tamu tyja, chto, moža b, jašče i chacieŭ padać dakumienty ŭ miedycynski ŭ Biełarusi, vyrašyli nie ryzykavać i nie hulać u łatareju z budučym raźmierkavańniem na dva ci piać hadoŭ.
Kamientary
Potomu čto płatnikov ubrali, a po umu bałov nie chvatajet , čieho nie poniatno ? ))) Nie daj Boh lečiťsia v biełorusskich poliklinikach, eti konovały tolko vriediat v osnovnom !
Nu eto kak kurs rubla ruchnuł s 3.30 do 2.85