Łukašenka: Kali nie chočacie ŭźbiekaŭ, treba «ŭpiracca i pracavać»
23 lipienia Alaksandr Łukašenka, razhladajučy kadravyja pytańni, znoŭ prakamientavaŭ mahčymaść pryciahnieńnia ŭ krainu pracoŭnych mihrantaŭ z Uźbiekistana.
Łukašenka adznačyŭ, što hetaja tema vyklikała šyrokaje abmierkavańnie. Pavodle jaho słoŭ, kali ŭ Biełarusi chopić ułasnych pracoŭnych resursaŭ, nieabchodnaści zaprašać zamiežnych rabotnikaŭ nie budzie. Adnak u šerahu rehijonaŭ adčuvajecca deficyt kadraŭ.
Łukašenka panarakaŭ, što z nahody temy pracoŭnaj mihracyi padniałasia «cełaja bura»:
«Ach, voś uźbiekaŭ biaruć!» Ja [kažu]: «I nie treba, my nikoha brać nie budziem, ale tady nam treba ŭpiracca i pracavać».
Łukašenka zajaviŭ, što kiraŭniki pradpryjemstvaŭ razam sa staršyniami rajvykankamaŭ pavinny samastojna vyznačać, ci patrebnyja im rabotniki z Uźbiekistana, a taksama kolki čałaviek i pa jakich śpiecyjalnaściach nieabchodna zaprasić. Jon padkreśliŭ, što prymušać nikoha nie buduć, i zamiežnych rabotnikaŭ buduć pryciahvać tolki tam, dzie heta sapraŭdy nieabchodna. U jakaści prykładu jon nazvaŭ asobnyja rajony Hrodzienskaj vobłaści, u tym liku Astraviecki.
Taksama Łukašenka adznačyŭ, što nie varta čakać pryjezdu ŭžo hatovych vysokakvalifikavanych śpiecyjalistaŭ. Maŭlaŭ, častku ludziej daviadziecca dadatkova navučyć abo pierapadrychtavać. Hałoŭnaj umovaj jon nazvaŭ žadańnie pracavać.
Łukašenka paviedamiŭ, što pytańnie pracaŭładkavańnia hramadzian Uźbiekistana abmiarkoŭvałasia padčas sustrečy z prezidentam hetaj krainy. Pavodle jaho, uźbiekski bok taksama zacikaŭleny ŭ supracoŭnictvie ŭ sielskaj haspadarcy. Uźbiekistan hatovy inviestavać srodki ŭ budaŭnictva žyviołahadoŭčych kompleksaŭ, abjektaŭ dla zachoŭvańnia karmoŭ i pierapracoŭčych pradpryjemstvaŭ, a taksama nakiroŭvać svaich rabotnikaŭ dla pracy ŭ Biełarusi.
Biełaruski bok, pavodle słoŭ Łukašenki, hatovy zabiaśpiečyć takich rabotnikaŭ sacyjalnymi harantyjami, u tym liku žyllom, dostupam da adukacyi dla dziaciej i miedycynskaha absłuhoŭvańnia. Pry hetym jon adznačyŭ, što situacyja budzie inšaj, kali čałaviek pryjedzie tolki dziela taho, kab zarabić hrošy i adpravić ich na radzimu.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
Vlez v rośsijskij okop, zahnał tuda biełarusov, za milliardy dołłarov na ličnych sčietach, prodav Biełaruś i biełarusov russkim i Rośsii, tiech, kto nie zachotieł byť russkim (uźbiekom) Rośsii, počti million, vyhnał iz Biełarusi, sdiełał vsio, čtoby ostavšijesia nie chotieli rožať i raspriahajetsia, čtoby upiraliś, i rabotali na nieho i jeho krasavciev!