Biełarusy paśla pajezdki ŭ Partuhaliju atrymali rachunak na 100 tysiač jeŭra
Pajezdka ŭ Partuhaliju dla biełaruskaj siamji skončyłasia vialikim rachunkam ź jeŭrapiejskaj kliniki. Paśla ekstranaha lačeńnia i evakuacyi sanitarnaj avijacyjaj košt miedycynskaj dapamohi skłaŭ kala 100 tysiač jeŭra.
Častku sumy turystam daviałosia apłacić samastojna, a častku vydatkaŭ pakryła strachoŭka. Pra heta na «Radyjo Minsk» paviedamiŭ hienieralny dyrektar «Biełdziaržstracha» Siarhiej Jakubicki.
Pavodle jaho słoŭ, siamja aformiła standartny strachavy polis ź limitam pakryćcia ŭ 30 tysiač jeŭra.
— Na miescy adnamu z sužencaŭ spatrebiłasia surjoznaje lačeńnie i evakuacyja sanitarnaj avijacyjaj. Ahulny rachunak ź jeŭrapiejskaj kliniki skłaŭ 100 tysiač jeŭra. Strachavaja kampanija pakryła tolki praduhledžanyja damovaj 30 tysiač jeŭra.
Astatnija 70 tysiač jeŭra turysty pavinny vypłacić balnicy samastojna.
Jak adznačyŭ ekśpiert, pry vybary strachavoha polisa mnohija najpierš aryjentujucca na jaho košt, ale nie zaŭsiody ŭličvajuć pamier strachavoha pakryćcia i asablivaści pajezdki.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary