U «Minskzialenbudzie» prakamientavali źjaŭleńnie na minskim praśpiekcie lip u vazonach
Na praśpiekcie Niezaležnaści ŭ Minsku znoŭ źjaviacca lipy — hetym razam ich vysadžvajuć u admysłovyja vazony. Pa stanie na 31 lipienia ŭžo pastavili 52 lipy, a ŭsiaho ŭ najbližejšyja dni centralnuju mahistral płanujuć azdobić prykładna 150 takimi drevami, piša ahienctva «Minsk-Naviny».
Takoje rašeńnie źjaviłasia paśla abnaŭleńnia tratuaraŭ na praśpiekcie Niezaležnaści. Na miescy starych dreŭ častku ŭčastkaŭ vykłali plitkaj, a na jaje pastavili vazony z drevami. Taki padychod nie vielmi spadabaŭsia karystalnikam sacyjalnych sietak.
U «Minskzielenbudzie» patłumačyli, što na ŭčastku da skryžavańnia z vulicaj Janki Kupały płanujuć raźmiaścić kala 150 dreŭ.
Vybar mienavita lipaŭ źviazany z tym, što hetyja drevy tradycyjna raśli na praśpiekcie. Akramia taho, lipy dobra pieranosiać farmavalnuju abrezku, tamu im možna nadavać patrebnuju formu.
Pavodle najaŭnych płanaŭ, drevy ŭ vazonach buduć znachodzicca na praśpiekcie pastajanna, u tym liku i zimoj. Vyšynia vazonaŭ pieravyšaje mietr, tamu darožnyja supraćhałalodnyja reahienty pavinny mienš traplać na drevy. Kali ž zimovyja ŭmovy akažucca niespryjalnymi, vazony ź lipami zmohuć časova prybirać.
U «Minskzialenbudzie» raniej tłumačyli, što staryja drevy ŭzdoŭž praśpiekta Niezaležnaści mocna paciarpieli ad supraćhałalodnych reahientaŭ, jakimi apracoŭvajuć vulicy zimoj, a taksama ad vychłapnych hazaŭ. Niahledziačy na padkormku, palivańnie i inšyja miery dohladu, zachavać častku nasadžeńniaŭ nie ŭdałosia.
Tamu zamiest novych dreŭ u ziamli na centralnaj mahistrali i vyrašyli vykarystać lipy ŭ śpiecyjalnych vazonach.
Kamientary
Ci rekłamu "Kruci husia" MachLine.
Božuchna, što stvaryła z krainaj adna nienažertaja pačviara?!