Byłaja palitźniavolenaja Asia Bułybienka robić vystavu karcin, napisanych paśla abortu
«Tolki potym ja ŭśviadomiła, što malavała jaje — maju malutku, jak ja jaje nazyvała», — dzielicca Asia ŭ intervju Most. Praz zabaronu na aborty ŭ Polščy, dzie ciapier žyvie dziaŭčyna, jana vyrašyła jechać u Litvu.
U Varšavie projdzie vystava karcin byłoj palitźniavolenaj Asi Bułybienka, jakuju asudzili pa «spravie studentaŭ». Praz mastactva dziaŭčyna pieražyvaje svoj ciažki dośvied.
Vystava Sununfollowers składajecca ź sieryi karcin sa słaniečnikami, jakija Asia stvarała na praciahu niekalkich tydniaŭ paśla pierapynieńnia ciažarnaści. Na hety krok jana pajšła, budučy ŭ abjuziŭnych adnosinach z byłym maładym čałaviekam.
Asia zaciažarała hod tamu. Praz zabaronu na aborty ŭ Polščy, dzie ciapier žyvie dziaŭčyna, jana pajechała ŭ Litvu.
Pieršy słaniečnik Asia namalavała praź miesiac paśla abortu. U chutkim časie paśla hetaha dziaŭčyna trapiła ŭ psichijatryčnuju kliniku ŭ Litvie z dyjahnazami depresija, anareksija i PTSR — posttraŭmatyčnaje stresavaje rasstrojstva.
Tam jana namalavała jašče niekalki prac, u tym liku tuju, dzie słaniečnik vyjaŭleny ŭnutry jaje.
«Tolki potym ja ŭśviadomiła, što malavała jaje — maju malutku, jak ja jaje nazyvała, — dzielicca mastačka ŭ intervju Most. — Bijałahična heta byŭ prosta embryjon. Starałasia sabie heta vyklikać u hałavie i ŭnušyć, kab supakoić. Ale psichałahična ja paśpieła pryviazacca, bo termin byŭ nie tydzień, nie dva i nie try. Nie było nijakaha pachavańnia. Dla mianie heta hora».
Praz vystavu Asia choča padniać temu abmiežavańniaŭ na aborty ŭ Polščy i pakazać, ź jakimi asabistymi pieražyvańniami mohuć sutykacca žančyny ŭ padobnych situacyjach.
U miežach vystavy budzie arhanizavany zbor achviaravańniaŭ (danataŭ), častku ź jakich Asia źbirajecca aficyjna pieradać arhanizacyi Aborcyjny Dream Team, jakaja abaraniaje repraduktyŭnyja pravy žančyn i zmahajecca za dekryminalizacyju abortaŭ u Polščy.
Byłoj palitźniavolenaj Asi Bułybiency sabrali 12 tysiač jeŭra dapamohi za sutki
Apiačatali kvateru byłoj palitźniavolenaj pa spravie studentaŭ Nastaśsi Bułybienki
Eks-palitźniavolenaja Asia Bułybienka apublikavała fota z knihaj Remarka — za hetym chavajecca kranalnaja historyja
«Cerbier vialikim nažom razrazaje mnie tvar». Studentka Asia Bułybienka — pra samaje ciažkaje źniavoleńnie paśla źniavoleńnia, sprobu suicydu i viartańnie da žyćcia
Kamientary
Łohiki nul. Prychilniki abortaŭ kažuć, što sparon - heta častka cieła žančyny. Nu niachaj. Ale ž vy nie ładzicie pachavańnie adrezanamu palcu, naprykład. Kali ŭličyć, što heta čałaviek, jakomu treba pachavańnie, to tady Asia pajšła na zabojstva.
Tut albo kryžyk źniać, albu trusy nadzieć.