U Dziatłaŭskim rajonie viaskoviec skraŭ 13 kubkaŭ, što pakidalisia kala śviatoj krynicy
Apošniuju konaŭku jon zabraŭ razam z łancužkom, jakim posud byŭ pryviazany, piša «Hrodzienskaja praŭda».
U Dziatłaŭskim rajonie z Žyvanosnaj krynicy ŭ haradskim pasiołku Kazłoŭščyna za niekalki miesiacaŭ źnikli 13 kubkaŭ. Złodzieja dapamahła znajści fotapastka.
Krynicu miascovyja žychary ŭparadkavali samastojna: zrabili zručnyja schody i pakinuli kala vady kubak, kab ludzi mahli napicca. Adnak z pačatku hoda posud pačaŭ rehularna źnikać. Nie spyniła złodzieja navat konaŭka, jakuju śpiecyjalna prymacavali łancužkom.
Staršynia sielvykankama źviarnułasia ŭ milicyju, paśla čaho kala krynicy pastavili schavanuju fotapastku. Jana chutka zafiksavała momant kradziažu.
Złodziejem byŭ žychar adnoj z navakolnych viosak. U jaho chacie za pazyki adklučyli vadu, tamu mužčyna rehularna prychodziŭ da krynicy z kanistrami. Zaadno jon zabiraŭ dadomu kubki, bo, pavodle jaho słoŭ, jamu vielmi padabalisia pryhoža raśpisanyja vyraby.
Usie 13 skradzienych kubkaŭ mužčyna ŭžo viarnuŭ u sielvykankam. Adnak adkaznaści jamu paźbiehnuć nie ŭdasca: za drobny kradziež jamu pahražaje štraf ad 2 da 6 bazavych adzinak abo administracyjny aryšt.
Akramia taho, milicyja ŭzmacniła kantrol za terytoryjaj kala śviatoj krynicy. Pryčynaj stali vypadki raśpivańnia tam ałkaholu. Parušalnikaŭ hramadskaha paradku abiacajuć pryciahvać da adkaznaści.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, treba dapamoha4
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, treba dapamoha
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam4949
Kamientary