У Дзятлаўскім раёне вясковец скраў 13 кубкаў, што пакідаліся каля святой крыніцы
Апошнюю конаўку ён забраў разам з ланцужком, якім посуд быў прывязаны, піша «Гродзенская праўда».
У Дзятлаўскім раёне з Жываноснай крыніцы ў гарадскім пасёлку Казлоўшчына за некалькі месяцаў зніклі 13 кубкаў. Злодзея дапамагла знайсці фотапастка.
Крыніцу мясцовыя жыхары ўпарадкавалі самастойна: зрабілі зручныя сходы і пакінулі каля вады кубак, каб людзі маглі напіцца. Аднак з пачатку года посуд пачаў рэгулярна знікаць. Не спыніла злодзея нават конаўка, якую спецыяльна прымацавалі ланцужком.
Старшыня сельвыканкама звярнулася ў міліцыю, пасля чаго каля крыніцы паставілі схаваную фотапастку. Яна хутка зафіксавала момант крадзяжу.
Злодзеем быў жыхар адной з навакольных вёсак. У яго хаце за пазыкі адключылі ваду, таму мужчына рэгулярна прыходзіў да крыніцы з каністрамі. Заадно ён забіраў дадому кубкі, бо, паводле яго слоў, яму вельмі падабаліся прыгожа распісаныя вырабы.
Усе 13 скрадзеных кубкаў мужчына ўжо вярнуў у сельвыканкам. Аднак адказнасці яму пазбегнуць не ўдасца: за дробны крадзеж яму пагражае штраф ад 2 да 6 базавых адзінак або адміністрацыйны арышт.
Акрамя таго, міліцыя ўзмацніла кантроль за тэрыторыяй каля святой крыніцы. Прычынай сталі выпадкі распівання там алкаголю. Парушальнікаў грамадскага парадку абяцаюць прыцягваць да адказнасці.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары