Dva supracoŭniki aeraporta Frankfurta pamierli ad malaryi. Byli i inšyja vypadki zachvorvańnia
U Frankfurcie-na-Majnie ź siaredziny lipienia zafiksavali šeść vypadkaŭ zachvorvańnia na malaryju, dva ź jakich skončylisia śmierciu. Abodva pamierłyja byli supracoŭnikami aeraporta. Miedyki miarkujuć, što ludzi mahli zarazicca paśla ŭkusaŭ kamaroŭ, jakija trapili ŭ Hiermaniju na borcie samalotaŭ z rehijonaŭ, dzie raspaŭsiudžanaja hetaja chvaroba, piša Deutsche Welle.
Pieršy śmiarotny vypadak adbyŭsia jašče ŭ pačatku lipienia, ale spačatku nie było viadoma, što pryčynaj śmierci stała malaryja. Heta vyśvietliłasia paśla taho, jak u žniŭni pamior jašče adzin rabotnik aeraporta z takim ža dyjahnazam. Pra heta 26 žniŭnia paviedamiła haradskoje ŭpraŭleńnie achovy zdaroŭja, a taksama kampanija Fraport, jakaja kiruje aeraportam.
Pa słovach śpiecyjalistaŭ, havorka idzie pra trapičnuju malaryju — najbolš niebiaśpiečnuju formu zachvorvańnia. Druhi pamierły, jak paviedamlajecca, zajmaŭsia absłuhoŭvańniem samalotaŭ.
Ułady ličać, što zaražeńnie adbyłosia mienavita praz ukusy kamaroŭ. Pieradača malaryi ad čałavieka da čałavieka sustrakajecca vielmi redka. U asnoŭnym heta mahčyma pry pieralivańni zaražanaj kryvi abo praz traŭmu zaražanaj ihołkaj.
Paśla vyjaŭleńnia vypadkaŭ Fraport raspačała šyrokuju infarmacyjnuju kampaniju dla svaich rabotnikaŭ. Supracoŭnikam, asabliva tym, chto pracuje z hruzami, technikaj abo niepasredna na terytoryi pamiž terminałam i ŭźlotna-pasadačnymi pałosami, rekamiendavali pry źjaŭleńni tempieratury i inšych simptomaŭ lichamanki nieadkładna źviartacca da lekara i paviedamlać pra mahčymaść zaražeńnia malaryjaj u aeraporcie.
Kali ŭźnikajuć sumnievy nakont dyjahnazu, rabotnikam rajać źviartacca ŭ miedycynskija ŭstanovy, jakija śpiecyjalizujucca na trapičnych zachvorvańniach, u tym liku va ŭniviersiteckuju kliniku Frankfurta-na-Majnie.
Akramia taho, niekalki tydniaŭ tamu na terytoryi aeraporta pastavili śpiecyjalnyja pastki dla kamaroŭ. Adłoŭlenych nasiakomych adpraŭlajuć u Instytut trapičnaj miedycyny ŭ Antvierpienie, dzie ich daśledujuć, kab vyśvietlić, ci źjaŭlajucca jany pieranosčykami malaryi i adkul mahli trapić u Hiermaniju.
Malaryja najbolš raspaŭsiudžanaja ŭ Afrycy, Azii i Paŭdniovaj Amierycy. U samoj Hiermanii štohod rehistrujuć prykładna 500—600 vypadkaŭ zachvorvańnia, zaviezienych z-za miažy.
Čałaviectva takoje hienietyčna raznastajnaje dziakujučy śmiarotnaj malaryi, jakaja tysiačahodździami dzialiła Afryku na izalavanyja rehijony
U Biełarusi stali sustrakać redkich kamaroŭ. Čym jany niebiaśpiečnyja?
Hetaja raślina adpužvaje kamaroŭ nie horš za samuju papularnuju chimiju
Google źbirajecca vypuścić 32 miljony niaprostych kamaroŭ u Kalifornii i Fłarydzie
ZŠA spyniajuć finansavańnie tysiač prahram pa baraćbie z polijamijelitam, VIČ-infiekcyjaj, malaryjaj i niedajadańniem
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary