«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć

43‑hadovaja Natalla Hiel rodam ź Sibiry — žyła ŭ Omsku i Ciumieni, dzie zajmałasia ajurviedaj i niezvyčajnymi praktykami nakštałt masažu haračymi ručnikami ci ahniom.

Paśla razładu z byłym mužam žančyna navažyłasia na pierajezd — kaža, u Rasii jana praz byłoha muža zmušanaja była žyć u pastajannaj tryvozie. Žančyna ŭziała dvaich dziaciej, pradała ŭsio, što mieła ŭ Rasii, i pierabrałasia ŭ Hrodna.

«My ŭ Biełarusi, i tut usio tak zdorava. Pryjazdžajcie, tut vas sustrenuć z raspaściortymi abdymkami». Voś na takuju ch**niu ja paviałasia, sabrała ŭsie manatki, usio, što było ŭ Rasii, pradała i pryjechała», — raspaviadaje rasijanka ŭ svaim videazvarocie. Pobač ź joj na videa iduć dvoje dziaciej.

Adnak pa pryjeździe ad internet-idylii nie zastałosia i ślada. Vyśvietliłasia, što Biełaruś — heta asobnaja dziaržava sa svaimi patrabavańniami, dzie rasijski pašpart nie adčyniaje ŭsie dźviery.

«Pasłuchaŭšy voś hetyja, b**dź, ryłsy jo**yja, dzie kažuć, što «oj, tam, b**ź, za dva miesiacy tabie ŭsio zrobiać». Kab atrymać dazvoł na časovaje pražyvańnie ci navat prosta rehistracyju patrebna pryčyna. A jakaja ŭ mianie pryčyna? «Nu, b**dź, ja lublu smačna pažerci»? «Mnie tut u vas padabajecca»? Heta ni ch*ia nie pryčyna», — aburajecca emihrantka.

Kab aformić dakumienty, žančynie patrebnaje aficyjnaje pracaŭładkavańnie, ale znajści pracu maci ź dziećmi akazałasia niaprostaj zadačaj.

Pavialičyć

«Patrebna praca. A chto mianie voźmie na pracu? Nu i kudy ja pajdu? Na dvanaccacihadzinny pracoŭny dzień na zavod, b**dź, z dvuma dziećmi?» — aburajecca žančyna.

Prablemaj staŭ i pošuk dachu nad hałavoj: miascovyja arendadaŭcy nie chočuć lišnich kłopataŭ z rehistracyjaj pryjezdžych.

«I nieachvotna tut zdajuć kvateru zamiežnikam, tamu što treba chadzić u padatkovuju, rehistravać zamiežnika — jaki haspadar hetaha zachoča. Tamu zachodziš na sajt, i ŭsie pišuć «tolki biełarusam». Plus vy nie znojdziecie kvateru z ramontam: kvatery, jakija tut zdajucca, — heta saŭdepija», — narakaje Natalla.

Pavodle jaje słoŭ, ceny ŭ Biełarusi takija ž, jak u Rasii. «Nie treba dumać, što «oj, tut usio tanna». Viadoma, u mianie dzieci: «Mama, dva rubli marožanaje!» Ale jany ž nie razumiejuć, što heta inšyja dva rubli», — kaža Natalla.

Zamiest spakoju siamja sutyknułasia z adzinotaj.

«I jašče nichto nie skazaŭ pra depresiju emihrantaŭ. Kali ty pryjazdžaješ i ŭ ciabie tut nikoha niama. (dziciaci) Pačakaj, ja, b**dź, złaja jak sabaka. I ty adna. I voś heta pačynajecca p****iec. Pra heta nichto nie skazaŭ. I mianie nie natchniaje ni atmaśfiera, ni pryhažość, ni, b**dź, pradukty. Mianie ŭžo ničoha nie natchniaje. Ja prosta tut u a**i zaraz», — kaža Natalla.

Ciapier u siamji zastajecca kala 90 dzion biaźvizavaha znachodžańnia, kab niejak uładkavacca ci viartacca ni z čym. «I ja nie viedaju, što my budziem rabić. Dapamažycie», — zakančvaje svoj emacyjny zvarot byłaja žycharka Sibiry.

U kamientarach zamiest škadavańnia Natalla atrymała porcyju chiejtu. Ludzi bolš za ŭsio aburalisia, što žančyna łajecca matam pry dzieciach i zamiest taho, kab pracavać, chacieła pryjechać na ŭsio hatovaje i zastacca prosta tak. Mnohija kamientatary z Rasii pisali, što pierajechali ŭ Biełaruś i nie paškadavali.

U vyniku videa sa svaich sacsietak žančyna vyrašyła vydalić.

• 4
• 3
• 47
• 15
• 1
• 3
• 4
• 0