Płacić za prajezd u naziemnym transparcie Minska možna budzie kartkaj luboha banka
Pra terminy ŭkaranieńnia novaj sistemy apłaty prajezdu skažuć paźniej.
Płacić za prajezd u naziemnym transparcie Minska možna budzie kartkaj luboha banka — pa anałohii ź mietrapalitenam. Pra heta raspavioŭ pieršy namieśnik staršyni Minharvykankama Alaksandr Kamiendant, paviedamlajuć Minsk-naviny.
Jon adznačyŭ, što pra terminy ŭkaranieńnia novaj sistemy apłaty prajezdu minčan prainfarmujuć dadatkova. Akramia taho, paśla jaje zapusku budzie praduhledžany pierachodny pieryjad, kab kožny pasažyr moh vybrać najbolš zručny dla jaho sposab apłaty.
— My aprabavali hetuju sistemu na asobnych maršrutach, sumiesna ź Ministerstvam transpartu i Ministerstvam suviazi analizujem patencyjnych pastaŭščykoŭ samich validataraŭ i prahramnaha zabieśpiačeńnia da ich. Pracavać buduć kartki ŭsich bankaŭ — heta ŭnifikavany srodak, prykładna taki ž, jak u mietro, dzie my možam vykarystoŭvać adziny prajazny albo bankaŭskuju kartku, — prakamientavaŭ pieršy namieśnik staršyni Minharvykankama.
Zaraz zachoŭvajucca ŭsie zvykłyja sposaby apłaty prajezdu: tałony možna nabyć u kiroŭcy, u kijoskach «Minsktrans», kasach mietrapalitena i sietcy «Tabakierka».
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary