У Швецыі затрымалі беларуса — ён фатаграфаваў ахоўныя аб’екты. Там вырабляюць ракеты і боепрыпасы
Мужчыну, якому каля 30 гадоў, затрымалі каля ўваходу ў прамысловую зону горада Карлскуга. У яго канфіскавалі камеру і камп’ютарную тэхніку.
Беларуса затрымалі 3 верасня. Ахоўнікі заўважылі падазронага і паведамілі пра яго паліцыі. Побач знаходзіўся галоўны ўваход у прамысловую зону Б’ёркборн, дзе працуюць прадпрыемствы абароннай і хімічнай прамысловасці.
Суд узяў беларуса пад варту паводле падазрэння ў незаконным фатаграфаванні ахоўнага аб’екта.
У прамысловай зоне Б’ёркборн размяшчаюцца, сярод іншых, прадпрыемствы Saab Dynamics, Eurenco Bofors і Nammo Sweden. Паводле афіцыйнай інфармацыі пра тэрыторыю, Saab Dynamics распрацоўвае і вырабляе там ракеты і боепрыпасы, Nammo займаецца вытворчасцю боепрыпасаў і іх кампанентаў, а Eurenco Bofors — пораху і выбуховых рэчываў.
Паводле шведскага заканадаўства, статус ахоўнага аб’екта могуць атрымаць важныя для нацыянальнай бяспекі будынкі, прадпрыемствы і тэрыторыі, у тым ліку аб’екты абароннай прамысловасці. За парушэнне пагражае штраф або да года турмы.
Гэта не першы падобны выпадак у Карлскузе. У чэрвені 2024 года каля тэрыторыі Saab затрымалі расіяніна. Яго вінавацілі ў фатаграфаванні некалькіх ахоўных аб’ектаў у розных частках Швецыі — у Стакгольме, Сундсвалі і Карлскузе.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары
И никто на это не обращает внимание. Могут и в Швецию заглянуть, если надо.