U aeraportach Vialikabrytanii ŭźnik chaos paśla masavaha techničnaha zboju
Techničnaja niaspraŭnaść u sistemie brytanskaha apieratara aeranavihacyjnaha absłuhoŭvańnia NATS stała pryčynaj masavych zatrymak i admieny rejsaŭ u aeraportach krainy, u tym liku ŭ Chitroŭ i Hatviku, paviedamlaje Reuters.
Uviečary 8 vieraśnia NATS paviedamiła, što śpiecyjalisty ŭkaranili vypraŭleńnie, a sistema apracoŭki palotnych danych pačała adnaŭlacca. Apieratar zajaviŭ, što praciahvaje supracoŭničać z avijakampanijami i aeraportami, kab jak maha chutčej viarnuć pracu ŭ narmalny režym.
Prablema zakranuła nie tolki Łondan. Zboi ŭźnikli taksama ŭ Stanstedzie, Łondan-Sici, Mančestery, Edynburhu, Birminhiemie, Livierpuli, Kardyfie, Abierdzinie, Hłazha i Saŭthiemptanie, a taksama ŭ aeraportach Biełfast-Sici, Džersi i Saŭtend. Pra zatrymki paviedamlaŭ i Dublinski aeraport u Irłandyi.
Pavodle danych Flightradar24, da viečara kolkaść admienienych rejsaŭ nabliziłasia da 300 i praciahvała pavialičvacca. Kampanija Cirium paviedamlała, što da 16:15 pa miascovym časie ŭ Chitroŭ i Hatviku było admieniena kala 90 rejsaŭ.
U avijakampanii Ryanair zajavili, što zatrymki zakranuli bolš za 65 tysiač pasažyraŭ avijakampanii, a bolš za 50 rejsaŭ byli admienienyja. U easyJet adznačyli, što nastupstvy zboju adčulisia pa ŭsioj Jeŭropie: niekatoryja rejsy nie zmahli vylecieć. Pasažyram admienienych rejsaŭ paabiacali biaspłatny pieranos kvitkoŭ abo viartańnie hrošaj, a pry nieabchodnaści — charčavańnie i hatel.
Avijakampanii znoŭ raskrytykavali pracu NATS. U Ryanair zajavili, što heta ŭžo treci bujny zboj u pracy apieratara za apošnija try hady, i zaklikali kiraŭnika NATS Marcina Rołfa pakinuć pasadu. U Wizz Air taksama zajavili, što apieratar krytyčna važnaj nacyjanalnaj infrastruktury nie pavinien nieadnarazova spyniać pracu avijacyjnaj sistemy.
Ministr transpartu Vialikabrytanii Chajdzi Alaksander paprasiła prabačeńnia ŭ pasažyraŭ. Jana paviedamiła, što śpiecyjalisty vyjavili prablemu i zajmajucca jaje likvidacyjaj.
Spačatku, kala 13:46 pa miascovym časie, NATS paviedamiła pra techničny zboj, jaki parušyŭ raskład vyletaŭ. Paźniej apieratar udakładniŭ, što pryčyna była ŭ sistemie apracoŭki palotnych danych.
Z-za zboju prablemy ŭźnikli navat u pasažyraŭ, jakija ŭžo prybyli ŭ Vialikabrytaniju. Niekatoryja ludzi paśla pryziamleńnia byli vymušanyja zastavacca ŭ samalotach, čakajučy transpartu da terminałaŭ.
Niaspraŭnaść paŭpłyvała i na spartyŭnyja mierapryjemstvy. Futbolny kłub «Arsienał» praz zatrymku rejsa ŭ Nieapal byŭ vymušany admianić zapłanavanuju pieradmatčavuju pres-kanfierencyju pierad pieršaj hulnioj hrupavoha etapu Lihi čempijonaŭ.
Heta nie pieršy bujny zboj u brytanskaj avijacyjnaj sistemie. U žniŭni 2023 hoda vyjšła sa stroju aŭtamatyčnaja apracoŭka palotnych płanaŭ, što vyklikała maštabny chaos u aeraportach krainy. Tady incydent nazyvali nadzvyčaj małavierahodnym — ź vierahodnaściu adzin vypadak na 15 miljonaŭ. Pavodle acenak kiraŭnikoŭ avijakampanij, jon abyšoŭsia im bolš čym u 100 miljonaŭ funtaŭ na kampiensacyi i viartańnie srodkaŭ pasažyram.
A ŭviesnu 2025 hoda surjoznyja pieraboi ŭ pracy Chitroŭ adbylisia paśla bujnoha pažaru na elektrapadstancyi. Tady byli zakranutyja bolš za 1300 rejsaŭ i kala 200 tysiač pasažyraŭ. Paźniej rasśledavańnie pakazała, što pryčynaj uzharańnia staŭ praduchilalny defiekt, źviazany z traplańniem vilhaci, a viersiju naŭmysnaha padpału vyklučyli.
U aeraporcie Majami hruzavy Boeing vykaciŭsia za miežy ŭźlotna-pasadačnaj pałasy: zahinuli jak minimum piać čałaviek
Avijacyju čakajuć usio bolš haračyja i vietranyja časy — dla pasažyraŭ mała pryjemnaha
Hrodzienski aeraport abiacajuć adkryć hetaj zimoj. Kudy mohuć latać?
Sajman Šuster: Heta jana. Zialenski aficyjna zapuściŭ apieracyju M&Ms, kab paralizavać maskoŭskija aeraporty
Ciapier čytajuć
Łukašenka: Što tvorycca ŭ krainie, u nas usie hetuju huś kruciać13
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary