Жыхар Яраслаўля атрымаў 14 гадоў калоніі за здымкі магіл расійскіх вайскоўцаў. Гэта ацанілі як здраду дзяржаве
8 верасня Яраслаўскі абласны суд асудзіў 48‑гадовага Мікалая Шчарбакова да 14 гадоў калоніі па справе аб дзяржаўнай здрадзе, паведамляе мясцовае выданне 7x7.
Паводле версіі суда, пачынаючы з кастрычніка 2024 года мужчына перадаваў украінскім спецслужбам фота і відэа магіл вайскоўцаў на мемарыяльных могілках.
Справу разгледзелі ўсяго за месяц. Мяркуючы па апублікаваным прэс-службай суда фота, Шчарбакаў быў затрыманы зімой. Ці прызнаў ён сваю віну, не паведамляецца.
Гэта першы вядомы выпадак, калі за здымкі магіл вайскоўцаў у Расіі вынеслі прысуд паводле артыкула аб дзяржаўнай здрадзе.
У чэрвені супрацоўнікі ФСБ затрымалі па аналагічнай справе некалькіх жыхароў Томскай вобласці. Таксама ў чэрвені ў Екацярынбургу затрымалі дзвюх дзяўчат за здымкі магіл вайскоўцаў. Пасля гэтага на адных з элітных гарадскіх могілак з’явілася таблічка з папярэджаннем пра магчымую адказнасць за фатаграфаванне магіл удзельнікаў вайны супраць Украіны.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам34
Каментары