U Miunchienie biełarus, ukrainiec i niemiec u maskach i sa zbrojaj abrabavali minaka. Užo praz vosiem chvilin ich aryštavali
Troje mužčyn u maskach napali na minaka, pahražajučy zbrojaj i elektrašokieram, zabrali jahonuju pajasnuju torbačku i źjechali. Ale daloka ŭciačy nie paśpieli. Siarod zatrymanych — 23‑hadovy hramadzianin Biełarusi.
U piatnicu, 16 kastryčnika, kala 23‑j hadziny 23‑hadovy žychar Miunchiena išoŭ pa tratuary ŭ rajonie Maksforštat. Pobač raptam spyniŭsia aŭtamabil. Ź jaho vyjšli troje mužčyn u maskach i napali na chłopca, paviedamlaje palicyja.
Napadniki pahražali zbrojaj i elektrašokieram, paśla čaho sarvali z paciarpiełaha torbačku, sieli nazad u mašynu i źjechali.
Napad bačyli niekalki śviedkaŭ. Jany vyklikali palicyju.
Užo kala 23:08 palicejskija spynili patrebny aŭtamabil. Usie troje chłopcaŭ zdalisia biez supracivu.
U sałonie znajšli elektrašokier, zbroju, adzieńnie dla maskiroŭki i torbačku paciarpiełaha. Rečy kanfiskavali, mašynu zabrali na palicejskuju stajanku.
U aŭtamabili znachodzilisia 23‑hadovy biełarus, jahony adnahodak — hramadzianin Hiermanii i 19‑hadovy ŭkrainiec.
Bolš za toje, biełarusa i ŭkrainca palicyja padazraje jašče i ŭ kradziažy z užyvańniem hvałtu, jaki adbyŭsia 15 kastryčnika ŭ bavarskim rajonie Chaśbierhie.
Usich troch zatrymanych źmiaścili ŭ palicejski izalatar.
Kamientary
Tam iq mieniej za 100 sumarna na traich.
No čto pošło nie tak?