Katedž za Nacyjanalnaj biblijatekaj staŭ samym darahim domam Biełarusi, pradadzienym u kastryčniku
U kastryčniku ŭ rajonie Vialikaj Ślapianki (kaliści tut byŭ zaharadny majontak Vańkovičaŭ) kupili dom za 1,2 miljona dalaraŭ. Katedž akazaŭsia samym darahim domam Minska i Biełarusi z pradadzienych u minułym miesiacy, piša Realt.by.
Zabudoŭvać Vialikuju Ślapianku sučasnymi katedžami pačali ŭ kancy 1990‑ch hadoŭ. U saviecki čas na miescy byłych panskich uhodździaŭ i budučych raskošnych viłaŭ byli saŭhasnyja pali i litaralna adna vulica viaskovych damoŭ.
Asvajeńnie terytoryi pačała kampanija «Zabudova», jakaja ŭźviała tut niekalki dziasiatkaŭ akuratnych katedžaŭ u adzinym styli. Siońnia ž mikrarajon za Nacyjanalnaj biblijatekaj i stancyjaj mietro «Uschod» — miesca, jakoje pieratvaryłasia ŭ adzin z samych prestyžnych elitnych katedžnych masivaŭ stalicy.
Što tyčycca samaha darahoha doma ŭ horadzie (i adnačasova ŭ krainie), to im pa vynikach kastryčnika staŭ błočny katedž 2007 hoda płoščaj 406 kvadratnych mietraŭ. Jaho pradali za 1,25 miljona dalaraŭ: to-bok, mietr acanili ŭ 3087 dalaraŭ.
Ciapier u hetym kutku Minska pradajucca jašče 7 damoŭ koštam ad 306 tysiač da 1,7 miljona dalaraŭ.
U lik samych darahich u stalicy ŭ kastryčniku taksama trapili: katedž 2011 hoda niedaloka ad Cnianskaha vadaschovišča i dom 60‑ch hadoŭ u rajonie Arłoŭki (toj častki, jakaja nie idzie pad znos). Damy byli pradadzienyja za ścipłyja 204 i 115 tysiač dalaraŭ adpaviedna.
U Minsku pradajuć dom z ułasnym basiejnam, pra jaki možna maryć. Ale cana kusajecca
«A dzie budziecie mycca?» U Minsku znajšli niezvyčajnuju kvateru za 450 rubloŭ u miesiac
Prodažy kvater u kastryčniku znoŭ źnizilisia
U Minsku ŭ «sakretnym» domie pradajuć kvateru za $1,5 miljona
U Minsku nie zastałosia nivodnaha rajona, dzie siaredni košt kvadrata žylla byŭ by mienš za $2000
Ciapier čytajuć
Mahiloŭ, Viciebsk i Homiel udałosia dałučyć da BSSR tolki tamu, što Maskva takim čynam chacieła spakusić Zachodniuju Biełaruś — apublikavanyja dakumienty7171
Kamientary