Urad spadziajecca, što dziela hetych hrošaj moładź zastaniecca pracavać u vioscy.
Urad Biełarusi ŭ try razy pavialičyŭ pamier nadbaŭki, jakaja vypłačvajecca maładym śpiecyjalistam, jakija adpravilisia pracavać na siało.
Nadbaŭki maładym śpiecyjalistam, jakija prybyli na pracu ŭ sielskahaspadarčyja arhanizacyi pa nakiravańniach navučalnych ustanoŭ vypłačvalisia i raniej. Asnoŭnaj umovaj było toje, što hetyja śpiecyjalisty paśla adpracoŭki abaviazkovaha raźmierkavańnia zastavalisia pracavać u sielhasarhanizacyjach. Kab padtrymać śpiecyjalistaŭ materyjalna, im na praciahu troch hadoŭ rabiłasia dapłata da ich zarabotnaj płaty ŭ pamiery adnoj taryfnaj staŭki pieršaha razradu. Na 1 lipienia 2010 hoda jana składała 90 tysiač rubloŭ.
Pavodle rašeńnia ŭrada,
ź ciapierašniaha času pamier dapłaty maładym śpiecyjalistam, jakija zastalisia pracavać u sielhasarhanizacyi paśla adpracoŭki abaviazkovaha raźmierkavańnia, budzie składać trochrazovy pamier taryfnaj staŭki pieršaha razradu, praduhledžanaj dla rabotnikaŭ biudžetnaj śfiery. Heta ŭžo 270 tysiač rubloŭ.
Na dumku ŭrada, takaja materyjalnaja padtrymka, jakaja budzie akazvacca za košt srodkaŭ respublikanskaha fondu padtrymki vytvorcaŭ sielskahaspadarčaj pradukcyi, dapamoža vyrašyć kadravuju prablemu na siale i stanie toj ruchajučaj siłaj, jakaja viernie ŭ viosku moładź.
-
Hrodzienski fatohraf pradavaŭ fotasiesii, ale nie rabiŭ ich, a prajhravaŭ usie hrošy ŭ anłajn-kazino. Jon raskazaŭ, jak usio adbyvałasia
-
Łukašenka: Da kanca hetaha hoda my pavinny mieć svaje bojeprypasy da artyleryjskich sistem
-
Urad Cichanoŭskaj pryniaŭ pastanovu «Ab biełaruskim partyzanska-supraciŭnym ruchu»
Kamientary