«KPRF asudžaje palityku ŭładaŭ Rasii adnosna Biełarusi, jakaja tak vidavočna supiarečyć nacyjanalnym intaresam krainy, patrabuje spynieńnia złosnych napadak na Biełaruś i jaje kiraŭnictva i adnaŭleńnia žyćciova važnych dla Rasii dobrasusiedskich adnosinaŭ z hetaj braterskaj respublikaj», — havorycca ŭ zajavie staršyni CK KPRF Hienadzia Ziuhanava, raźmieščanaj 22 lipienia na partyjnym sajcie.
«Čarhovy „hazavy kanflikt“ kiraŭnictva Rasii ź Biełaruśsiu pierajšoŭ u stadyju
Padychod aficyjnaj Maskvy da
«Vidavočna, što dziejańni rasijskich uładaŭ adnosna Biełarusi dyktujucca zusim nie intaresami stratehičnaj biaśpieki, jak heta aficyjna dekłarujecca», — zajaviŭ Ziuhanaŭ.
Jon nahadvaje «tvorcam ciapierašniaj palityki RF», što Zachad «staranna vystrojvaje ŭzdoŭž miežaŭ našaj krainy «žaleznuju zasłonu», «u jakuju ŭžo ŭciahnuty dziaržavy Prybałtyki, Małdova i Hruzija i kudy praciahvajuć uciahvacca inšyja byłyja respubliki SSSR».
«Biełaruś u hetych umovach zastajecca adzinym nadziejnym sajuźnikam našaj krainy na zachodnim stratehičnym napramku. Mienavita Biełaruś zabiaśpiečvaje abaronu rasijskich miežaŭ na tym šlachu, na jakim spradvieku na Maskvu išli zavajoŭniki. Heta asabliva važna siońnia, kali ŭ vyniku tak zvanaj vajennaj reformy Uzbrojenyja siły Rasii praktyčna razburany», — ličyć lider rasijskich kamunistaŭ.
«Nasupierak zdarovamu sensu rasijskaje kiraŭnictva robić usio, kab kančatkova razburyć družalubnyja adnosiny z hetaj respublikaj, — zajaviŭ Ziuhanaŭ. —
Tolki što praviačaja viarchuška RF śpisała Afhanistanu, jaki kantralujecca vojskami NATO i źjaŭlajecca pad ich kiraŭnictvam asnoŭnym pastaŭščykom hierainu ŭ Rasiju, reštki savieckaha doŭhu ŭ pamiery 891 młn. dołaraŭ, a voś Biełarusi niekalki tydniaŭ vykručvała ruki, patrabujučy vypłaty 200 młn. dołaraŭ pry ŭłasnym doŭhu pierad Minskam u 260 młn. dołaraŭ. Jak razumieć takuju „źniešniuju palityku“?»
«Vidavočna, što rasijskija kiraŭniki ŭ svajoj antybiełaruskaj palitycy kirujucca kłasavymi intaresami zachodnich patrnioraŭ, jakija luta nienavidziać niezaležnuju narodnuju Biełaruś i Łukašenku, a taksama kamiercyjnymi intaresami rasijskaj aliharchii, jakaja imkniecca zachapić sučasnyja pradpryjemstvy Biełarusi, asabliva ŭ naftahazavaj halinie», — miarkuje Ziuhanaŭ.
Na minułym tydni lider KPRF u liku inšych deputataŭ Dziarždumy vykazaŭ škadavańnie ŭ suviazi ź intervju prezidenta Hruzii biełaruskamu telebačańniu, adnak pry hetym jon dumaŭ, što Michaił Saakašvili znachodzicca ŭ Biełarusi: «Što da pryjomu Saakašvili ŭ Biełarusi — hetaje pytańnie da biełaruskaha boku, ja mahu vykazać tolki škadavańnie, što čałavieka, u jakoha pa łokać ruki ŭ kryvi, prymajuć u braterskaj Biełarusi, jakuju ja vielmi lublu i pavažaju».Dźmitryj Ułasaŭ, BiełaPAN.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary