U Biełarusi ŭžo niekalki tydniaŭ zapar trymajecca anamalna vysokaja tempieratura pavietra. Akramia dyskamfortu, jaki prynosić ludziam, jano moža stać taksama pryčynaj značna bolš dramatyčnych padziej.A mienavita — vyklikać mocnyja navalnicy i urahany.
«NN» źviarnułasia pa kamientar da hałoŭnaha sinoptyka Biełhidramieteacentra Volhi Fiadutavaj.
«U subotu i niadzielu ŭ Biełaruś budzie pastupać haračaje pavietra z poŭdnia. Adpaviedna, pratrymajecca i vysokaja tempieratura. U vyniku miescami pa krainie projduć mocnyja łakalnyja navalnicy.
Chutkaść vietru pry hetym moža dasiahać navat 20 mietraŭ za siekundu. Heta ŭžo vielmi surjozna», — adznačyła spadarynia Volha.
Jana taksama dadała, što heta tolki pačatak. Na nastupnym tydni čakajecca pastupleńnie ŭ Biełaruś chałodnych mas pavietra z Zachodniaj Jeŭropy. Jano budzie bolš vilhotnym i ŭ spałučeńni z vysokaj tempieraturaj moža vyklikać mahutnyja navalnicy pa ŭsioj krainie.
«Biezumoŭna, my nie čakajem takich hrandyjoznych urahanaŭ, jakija adbyvajucca ŭ paŭdniovych krainach.
Adnak pry peŭnych abstavinach nie vyklučajem takich pryrodnych źjavaŭ navat i ŭ Biełarusi. Budziem adsočvać situacyju i adrazu ž davać papiaredžańni», — adznačyła V.Fiadutava.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary