Ministerstva zamiežnych spravaŭ Litvy šukaje novaha kandydata na pasadu ambasadara Litvy ŭ Biełarusi, atrymaŭšy jasny syhnał ź Miensku, što Antanas Valonis budzie niepažadanym na hetaj pasadzie.
Ministerstva zamiežnych spravaŭ Litvy šukaje novaha kandydata na pasadu ambasadara Litvy ŭ Biełarusi, atrymaŭšy jasny syhnał ź Miensku, što Antanas Valonis budzie niepažadanym na hetaj pasadzie.
Dahetul mierkavałasia, što novym ambasadaram u Miensku budzie Antanas Valonis, były ministar zamiežnych spravaŭ Litvy. Jak paviedamlaje infarmacyjnaje ahienctva BNS, litoŭskaje MZS vyrašyła nie prasić ahremana kandydatury A.Valonisa, pakolki pradbačyć admoŭny adkaz i nie žadaje abvastrać dačynieńni z susiedniaj krainaj.
U Litvie pamiatajuć, što Biełaruskaja dziaržaŭnaja televizija abvinavaciła Antanasa Valonisa, tahačasnaha ministra zamiežnych spravaŭ Litvy, u tym, što jon nibyta arhanizoŭvaŭ masavyja pratesty suprać parušeńniaŭ u časie prezydenckich vybaraŭ u sakaviku.
Paśla źmieny ŭradu ŭ Litvie jon pakinuŭ pasadu kiraŭnika dyplamatyčnaha viedamstva i viarnuŭsia ŭ Sojm, ciapier jon parlamentar, uvachodzić u Sojmie ŭ frakcyju sacyjał-libierałaŭ. U siaredzinie vieraśnia parlamencki kamitet zamiežnych spravaŭ Litvy paćvierdziŭ kandydaturu A.Valonisa na pasadu ambasadara ŭ Biełarusi.
Tady sam A.Valonis kazaŭ, što spadziajecca na chutki adkaz ź Biełarusi adnosna jaho kandydatury i tłumačyŭ, što kali kraina nia zhodnaja pryniać prapanavanaha dyplamata, jana marudzić ź pierasyłkaj lista sa zhodaj na jaho kandydaturu, jaki zaviecca ahreman, i heta ŭ dyplamataŭ rasceńvajecca jak admova.
U Litvie ambasadaraŭ pryznačaje i vyzvalaje z pasady prezydent krainy pavodle prapanovy ŭradu i pry paćvierdžańni kandydatury parlamenckim kamitetam zamiežnych spravaŭ.
Ciapier čytajuć
Babaryka: Kali b my pieramahli — vajny va Ukrainie nie było b6
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary