Siońnia pačynajuć pracu siesii abiedźviuch pałat parłamienta
Na paradku dnia šostaj siesii pałaty pradstaŭnikoŭ stajać 36 pytańniaŭ, u tym liku dzieviać zakonaprajektaŭ u pieršym čytańni, šeść — u druhim, a taksama 17 ratyfikacyj mižnarodnych dahavoraŭ, try dekrety i kadravyja pytańni. Prajekt paradku dnia budzie dapaŭniacca pa chodu siesii, bo na dapracoŭcy ŭ kamisijach znachodziacca šerah pytańniaŭ.
Na pasiadžeńni savieta nižniaj pałaty 29 vieraśnia namieśnik staršyni parłamienckaj kamisii pa dziaržaŭnym budaŭnictvie, miascovym samakiravańni i rehłamiencie Hienadź Hryckievič zaznačyŭ: prajekt paradku dnia šostaj siesii «dastatkova nasyčany i patrabuje starannaj pracy deputataŭ».
Užo na plenarnym pasiadžeńni 4 kastryčnika deputaty razhledziać 12 pytańniaŭ, u tym liku vosiem ratyfikacyj mižnarodnych dahavoraŭ, papraŭki ŭ zakonaprajekt «Ab orhanach unutranych spraŭ Respubliki Biełaruś» i inšyja.
Nahadajem, 7 i 14 vieraśnia deputaty pałaty pradstaŭnikoŭ źbiralisia na niečarhovuju siesiju. Na joj było pryniata rašeńnie ab pryznačeńni prezidenckich vybaraŭ na 19 śniežnia, a taksama ŭ dvuch čytańniach byŭ pryniaty prajekt biudžetu na 2011 hod.
Vierchniaja pałata parłamienta — saviet respubliki — płanuje 4 kastryčnika razhledzieć 17 pytańniaŭ, u tym liku zakonaprajekty ab respublikanskim biudžecie na 2011 hod.
Parłamientaryjam taksama treba budzie abmierkavać pytańnie ab pryznańni paŭnamoctvaŭ i daterminovym spynieńni paŭnamoctvaŭ asobnych členaŭ savieta respubliki i ŭnieści źmieny ŭ rehłamient vierchniaj pałaty.
Kamientary