Centrabank Japonii źmienšyŭ bazavuju staŭku da dyjapazonu 0-0,1%.
Centrabank Japonii źmienšyŭ bazavuju staŭku z 0,1% da dyjapazonu ŭ 0–0,1% hadavych. U Japonii bazavaja staŭka nie źmianiałasia sa śniežnia 2008 hady, kali jana była źnižana z 0,3%.
Nulavaja bazavaja staŭka ciapier jość tolki ŭ adnoj bujnoj krainie śvietu: Fiederalnaja reziervovaja sistema ZŠA apuściła staŭku da dyjapazonu 0–0,25% u tym ža śniežni 2008 hady.
Z dapamohaj kiravańnia staŭkami centrabanki ŭsiaho śvietu sprabujuć upłyvać na ekanomiku: čym mienšaja staŭka, tym bolš kredytaŭ budzie vydavacca ŭ krainie. Takim čynam, budzie pavialičvacca kolkaść hrošaj u zvarocie, što pavinna pryvieści da rostu VUP, ale adnačasova i da pavieličeńnia tempaŭ rostu cen. Japonija vysokaj inflacyi moža nie aścierahacca: na praciahu apošnich hadoŭ u krainie fiksujecca deflacyja, ź jakoj urad biespaśpiachova zmahajecca.
Pavieličeńnie kolkaści hrošaj u ekanomicy pavinna dapamahčy Japonii vyrašyć i jašče adnu prablemu — zanadta vysoki kurs jeny. Praź jaho pakutujuć miascovyja eksparciory, jakija atrymlivajuć prybytak u dalarach i jeŭra, a traciać hrošy — u nacyjanalnaj valucie.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby4
Kamientary