Hrupa vučonych z Univiersiteta amierykanskaha štata Juta raspracavała technałohiju pa pieraŭtvarenni elektramahnitnych sihnałaŭ hałaŭnoha mozha ŭ słovy i cełyja skazy.
Navacyja mietodyki zaklučajecca ŭ tym, što jana vykarystoŭvaje novy typ niepranikalnaha mikraelektroda, jaki nie ŭžyŭlajecca ŭ mozh, a raźmiaščajecca prama na im.
Ekśpierymientalnyja raboty vialisia z pacyjentami, jakija stracili zdolnaść da movy z-za epilepsii. Zdymajučy elektramahnitnyja sihnały mozha źniešnimi detektarami, śpiecyjalisty pieravodzili ich u ličbavy sihnał i zatym z dapamohaj śpiecyjalnaj prahramy pieratvarali ŭ słovy, jakija vymaŭlaŭ kampjutar.
Na padstavie sabranaj infarmacyi i źviestak encefałahrafii ŭ realnym časie vučonyja vyznačali, jakija mienavita słovy vymaŭlaje čałaviek u dumkach. Śćviardžajecca, što ŭ asobnych testach technałohija nie pamyliłasia ŭ 90% vypadkaŭ.
Śpiecyjalisty pryznajuć, što pakul jakaść razumieńnia nie vielmi vysokaja, a nabor słoŭ abmiežavany, adnak daśledčyki ŭpeŭnienyja ŭ mahčymasci palapšeńnia technałohii i praktyčnaha ŭkaranieńnia vynachodstva ŭžo praź niekalki hadoŭ.
Pavodle słoŭ vučonych, ich raspracoŭka dazvolić ludziam, jakija stracili ŭ vyniku traŭmaŭ i chvarobaŭ zdolnaść da stasunkaŭ, kantaktavać z navakolnymi prosta z dapamohaj dumak.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby7
Kamientary