«Kałasy pad siarpom tvaim» zdymuć pa-biełarusku. Ale chto i kali?
«Kałasy pad siarpom tvaim» zdymuć pa-biełarusku. Ale chto i kali?
Ab płanach «Biełaruśfilma» źniać kino pavodle ramana Uładzimira Karatkieviča «Kałasy pad siarpom tvaim» stała viadoma ŭ lutym.
Minuła bolš za paŭhoda, a na kinastudyi zdoleli tolki napisać scenar dla stužki.
Jaho aŭtar Alaksandr Kačan paviedamiŭ, što «pieravažnaja bolšaść razmoŭ u filmie musić być pa-biełarusku. Ale ŭžyvajecca taksama rasijskaja, polskaja i francuzskaja».
Vyznačylisia byli i z režysioram. Zaprasili Mikałaja Pinihina. Ale ŭ mai hałoŭny režysior Kupałaŭskaha teatra admoviŭsia ad pracy. Zamieny jamu nie znajšli. Na «Biełaruśfilmie» pakul nie hatovyja havaryć i ab inšych kandydaturach na hetuju pracu. Kačan miarkuje, što
«nakont Pinihina pytańnie jašče nie zakrytaje. Mahčyma, jon zmoža zaniacca hetym prajektam trochi paźniej».
Mo z hetaj pryčyny na kinastudyi i marudziać.
U Respublikanskim teatry biełaruskaj dramaturhii ŭžo dva hady idzie śpiektakl pavodle «Kałasoŭ pad siarpom tvaim». Jaho pastaviŭ Valeryj Anisienka. Kali jon daviedaŭsia, što budzie zdymacca film, padaŭ zajaŭku na kinastudyju jak scenaryst i režysior. Ale jaje adchilili. A pakul niama režysiora, to i pra akcioraŭ havaryć zaŭčasna. Tamu zahadkaj zastajecca, chto ž syhraje pana Juryja, Alesia Zahorskaha, Majku.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary