Janukovič: Pastaŭka nafty ŭ Biełaruś praz Adesu—Brody nie parušaje intaresaŭ Rasii
Udzieł Ukrainy ŭ transparciroŭcy vieniesuelskaj nafty ŭ Biełaruś pa trubapravodzie Adesa — Brody nie supiarečyć intaresam Rasii. Pra heta zajaviŭ u Kijevie 18 kastryčnika na sumiesnaj
«Ja ni razu nie čuŭ, kab Rasija pieraškadžała hetaje pytańnie (ab transparciroŭcy nafty) vyrašać. My miarkujem, što vyrašeńnie hetaha pytańnia dla Biełarusi nijak nie supiarečyć intaresam Rasii i nijak nie parušaje adnosiny pamiž Ukrainaj i Rasijaj», — cytuje Janukoviča RIA Novosti.
Pry hetym jon nahadaŭ, što Ukraina ŭžo ŭ listapadzie płanuje ažyćciavić probnuju dastaŭku 80 tysiač ton vieniesuelskaj nafty na Mazyrski NPZ u Biełaruś pa naftapravodzie Adesa — Brody, jaki byŭ pabudavany ŭ 2001 hodzie dla prapampoŭvańnia kaśpijskaj nafty ŭ Jeŭropu ŭ abychod Rasii.
Pastaŭki vieniesuelskaj nafty cieraz Adeski port u Biełaruś pačalisia viasnoj hetaha hoda. Zhodna z damoŭlenaściami prezidentaŭ Biełarusi i Vieniesueły, na praciahu hoda Biełaruś płanuje zakupić 4 młn. ton nafty.
Zaraz vieniesuelskaja nafta tankierami dastaŭlajecca ŭ porty Ukrainy, Litvy, Łatvii i Estonii, a zatym pieravozicca ŭ Biełaruś čyhunačnym transpartam. Vyrašeńnie pytańnia ab pastaŭkach nafty pa naftapravodzie Adesa — Brody dazvolić Biełarusi značna skaracić raschody na dastaŭku nafty ź Vieniesueły.
Zaraz naftapravod Adesa — Brody zadziejničany rasijskaj kampanijaj «Tranśniefć» u reviersnym režymie. Kab pastaŭlać naftu ŭ Biełaruś, nieabchodna zapuścić naftapravod u aviersnym režymie.
Na minułym tydni ŭ Kijevie ministr enierhietyki Rasijskaj Fiederacyi Siarhiej Šmatko na sustrečy z žurnalistami vykazaŭ mierkavańnie, što krainy — partniory pa naftapravodzie «Družba» pavinny pravodzić technałahičnyja ŭzhadnieńni pa prapampoŭvańni nafty cieraz naftapravod z rasijskim bokam.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia5
Kamientary