Vialikaje abmierkavańnie vyklikała hutarka na «Interfaksie» z kandydatam u prezidenty Alesiem Michalevičam. Kab prajaśnić situacyju, «NN» zadała niekalki pytańniaŭ kandydatu.
Vialikaje abmierkavańnie vyklikała ŭ internecie hutarka na «Interfaksie» z kandydatam u prezidenty Alesiem Michalevičam. Palityk zrabiŭ šerah nieadnaznačnych zajavaŭ, što mnohimi traktavałasia jak adychod ad nacyjanalnych pazicyj. Kab prajaśnić situacyju, «NN» zadała niekalki pytańniaŭ kandydatu.
«Naša Niva»: Aleś, dyk jakoje tvajo staŭleńnie da bieł‑čyrvona‑biełaha ściahu i hierba Pahoni?
Aleś Michalevič: Zrazumieła, što ja pryznaju hetyja simvały jak nacyjanalnyja. Ja vyras z hetym ściaham i hierbam. Majo mierkavańnie, što hetym pytańniem nie pavinien zajmacca prezident. Jaho budzie abmiarkoŭvać parłamient. Nam treba zvykacca, što kiraŭnik dziaržavy maje vykanaŭčuju funkcyju. Dla mianie važna danieści ludziam, što ja prapanuju palapšeńnie ŭzroŭniu žyćcia biez łomki sistemy, jakaja, treba pryznać, im padabajecca.
«NN»: A što nakont dziaržaŭnych movaŭ?
AM: Znoŭ‑taki, heta pytańnie ŭ kampietencyi parłamienta. Prosta ja pierakanany, što my majem mnostva reziervaŭ dla palapšeńnia statusu movy navat u siońniašnich realijach. Pa‑biełarusku musiać razmaŭlać čynoŭniki, vieścisia dakumientacyja, dziaržaŭnyja sajty pavinny mieć biełaruskamoŭnyja staronki. Pole dla manieŭru dosyć šyrokaje.
«NN»: Pieršym ukazam ty paabiacaŭ harantyi Łukašenku.
AM: Heta najpierš datyčyć nie harantyj, a pravavoha stanovišča prezidenta. Jakim jano budzie — zaležyć ad situacyi. U nas nikoli nie było byłych prezidentaŭ, tamu i status ichny ŭsio jašče nie vyznačany.
«NN»: Ci začapiła, kali źjavilisia abvinavačvańni, što Michalevič pretenduje na rolu novaha Hajdukieviča?
AM: Nie začapiła. Spakojna staŭlusia da naviešvańnia jarłykoŭ. Mnie chutčej padabajecca pierakručvańnie maich słovaŭ. Kali ja kažu, što ŭ maje pryjarytety nie ŭvachodzić ustupleńnie ŭ Jeŭrasajuz, to heta nie značyć, što ja hetaha nie chaču. Heta aznačaje, što na dadzienym etapie zrabić heta nierealistyčna, tamu hetaha i niama ŭ pryjarytetach.
«NN»: Aleś, ty nie nazyvaješ siabie ŭžo apazicyjaj?
AM: Nie. Ja nie pradstaŭlaju ni ŭładu, ni apazicyi. Jak, darečy, i nie krytykuju. Što datačyć siabroŭ maich kamandy z apazicyjnych partyj, to jany pryniali maje pohlady, zhodnyja ź imi.
«NN»: Jakija tvaje płany na vybarach?
AM: Jość dźvie prahramy. Prahrama-maksimum — pieramahčy. Ja razumieju, što na dadzieny momant šancy maleńkija. Ale z prybližeńniem vybaraŭ jany buduć pavialičvacca. Prahrama-minimum — zaručycca padtrymkaj u samych roznych płastach nasielnictva.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku5
Kamientary