Łukašenka raić uvažliva pryhledziecca da pretendentaŭ na pasadu prezidenta
Hutaračy 6 listapada z žycharami Mahilova, Alaksandr Łukašenka paraiŭ im uvažliva pryhledziecca da ŭsich udzielnikaŭ vybarčaj kampanii. «Achvotnych parulić šmat, ale vy ŭvažliva ich razhladajcie, hladzicie, što jany zrabili dahetul»,
— cytuje prezidenta dziaržaŭnaje ahienctva BiełTA.
Łukašenka pryvioŭ u prykład zajavu adnaho z kandydataŭ u prezidenty ab tym, što ŭ pieršy hod znachodžańnia va ŭładzie jon maje namier addać Rasii trubapravodnyja arteryi, naftapierapracoŭčyja zavody.
«Kali ja heta čytaju, mnie strašna stanovicca i kryŭdna.
Heta naš nabytak — jak jaho addać?! U kaho ty spytaŭ?» — skazaŭ kiraŭnik dziaržavy.
«Heta vy pavinny pravilna ŭsio rasstavić i vyznačycca, mienavita vy, — padkreśliŭ jon, źviartajučysia da surazmoŭcaŭ. — Naša ščaście ŭ našych rukach. Kali my razam budziem jak adzinaje cełaje, budziem bačyć krainu, dumać ab dzieciach, my štości zrobim. Nie budziem — nivodnaja ŭłada nam ničoha ŭ adzinočku nie zrobić».
Pavodle słoŭ Łukašenki, u krainie «dabilisia čahości za hetyja hady».
«Nie treba havaryć, što heta zrabiŭ Łukašenka.
Vaša padtrymka vyratavała krainu, dziakujučy joj my jaje stvaryli. Hałoŭnaje — ciapier jaje nie stracić», — padkreśliŭ jon.
Prezident taksama zajaviŭ, što abvalić krainu ŭžo nikomu nie ŭdasca. «Nikomu nie dadziena abvalić Biełaruś: ni Rasii, ni Ukrainie, ni Jeŭrasajuzu, ni Amierycy. My ŭžo nie tyja, nas štučna valić niemahčyma, kali my sami sabie nie abvalim», — dadaŭ jon.
Łukašenka śćviardžaje, što pakul nie dumaje ab prezidenckich vybarach.
«Ščyra kažučy, ab vybarach navat nie dumaju, — skazaŭ jon. — Ale ŭ Minsku rana ci pozna ciabie tuzanuć pa vybarach.
Kab abstrahavacca ad hetaha, jedu da ludziej, u pole, u viosku, kab parazmaŭlać ź ludźmi.
Tamu pakul ja nie pakutuju ad hetaha pieradvybarnaha nastroju. Ja i čynoŭnikam kažu: heta nie maje vybary, heta vašy vybary: vas ža buduć aceńvać na miescach».
***
Vybary prezidenta Biełarusi pryznačany na 19 śniežnia.
Na hety momant na pasadu kiraŭnika dziaržavy, akramia Alaksandra Łukašenki, pretendujuć 10 čałaviek — namieśnik staršyni Partyi BNF Ryhor Kastusioŭ, kiraŭnik sajuza «Za madernizacyju» Aleś Michalevič, lidar hramadzianskaj kampanii «Havary praŭdu!» Uładzimir Niaklajeŭ, indyvidualny pradprymalnik ź Viciebska Uładzimir Pravalski, namieśnik staršyni Abjadnanaj hramadzianskaj partyi Jarasłaŭ Ramančuk, sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski, lidar kampanii «Jeŭrapiejskaja Biełaruś» Andrej Sańnikaŭ, lidar arhkamiteta pa stvareńni Biełaruskaj
Rehistracyja kandydataŭ u prezidenty pačniecca 14 listapada.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii17
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary