U niekatorych kandydataŭ — prablemy

Šerah apazicyjnych kandydataŭ u prezidenty sutyknulisia z prablemami pry publikacyi svaich pieradvybarnych prahram u dziaržaŭnych srodkach masavaj infarmacyi.

U adpaviednaści z vybarčym zakanadaŭstvam kandydat u prezidenty maje prava apublikavać svaju pieradvybarnuju prahramu ŭ respublikanskich hazietach «Źviazda», «Sovietskaja Biełoruśsija», «Narodnaja hazieta», «Respublika», staličnaj haziecie «Minskij kuŕjer», abłasnych hazietach «Zaria» (Brest), «Homielskaja pravda», «Mohilevskaja pravda», «Minskaja pravda», «Hrodnienskaja pravda» i «Vitiebskij rabočij».

Jak paviedamiŭ kiraŭnik vybarčaha štaba Vitala Rymašeŭskaha Pavieł Sieviaryniec, 29 listapada im u štab patelefanavali pradstaŭniki respublikanskich vydańniaŭ. «Haziety nie pahadžajucca drukavać vybarčuju prahramu Rymašeŭskaha z-za taho, što jon zaklikaje biełarusaŭ adstojvać svoj vybar na płoščy 19 śniežnia, u dzień vybaraŭ.

Nam prapanavali dać inšy tekst prahramy, biez zakliku ludziej na płošču.

Adnak my nie možam heta zrabić čysta jurydyčna — termin padačy prahram u ŚMI skončyŭsia 28 listapada», — zajaviŭ Sieviaryniec.

Jon miarkuje, što prahramu Rymašeŭskaha mohuć abo padvierhnuć cenzury, abo źniać z druku. «I ŭ tym i ŭ druhim vypadku heta budzie skandał», — padkreśliŭ palityk.

Da pieradvybarnaj prahramy Ryhora Kastusiova taksama byli pretenzii.

«Spačatku ŭ prahramie ŭžyvalisia słovy «łukašyzm» i «łukašenkaŭski režym».

U redakcyjach haziet paličyli, što hetyja słovy abražajuć hodnaść słužbovaj asoby, tamu my zamianili ich na «adnaasobny» i «aŭtarytarny» režymy», — skazaŭ kiraŭnik štaba Kastusiova Alaksiej Janukievič.

Z prablemami pry drukavańni svajoj pieradvybarnaj prahramy sutyknuŭsia i Dźmitryj Us. «Dziaržaŭnym ŚMI nie spadabałasia taja častka prahramy, u jakoj ja paraŭnoŭvaŭ siońniašniuju vybarčuju sistemu Biełarusi z vybarčaj sistemaj Hiermanii 30-ch hadoŭ minułaha stahodździa», — skazaŭ jon.

Us admoviŭsia ŭnosić praŭki ŭ svaju prahramu. «Pasprabuju vyrašyć prablemu ŭ Centrvybarkamie, kali nie atrymajecca — budu sudzicca», — zajaviŭ jon.

Pres-sakratarAndreja Sańnikava Alaksandr Atroščankaŭ zajaviŭ, što

nijakich prablem z publikacyjaj pieradvybarnaj prahramy kandydata pakul nie ŭźnikała.

«Spadziajomsia, na hetym tydni prahrama budzie apublikavana. Nijakich pretenzij nakont jaje źmiestu nie ŭźnikała», — paviedamiŭ Atroščankaŭ.

Nie sutykaŭsia z takoj prablemaj i štab Uładzimira Niaklajeva.

«Nam pakul nichto nie telefanavaŭ i pretenzij da prahramy nie vykazvaŭ»,

— paviedamiła pres-sakratar palityka Julija Rymašeŭskaja.

Nie vykazvałasia pretenzij i da źmiestu pieradvybarnych prahram Mikałaja Statkieviča, Viktara Ciareščanki, Alesia Michaleviča i Jarasłava Ramančuka.

Kamientujučy pa prośbie BiełaPAN situacyju, sakratar Centrvybarkama Mikałaj Łazavik zajaviŭ, što redakcyi haziet nie majuć prava ŭnosić papraŭki ŭ tekst pieradvybarnych prahram kandydataŭ. «Usie praŭki pavinien unosić sam kandydat u prezidenty», — skazaŭ jon.

Pieradvybarnyja prahramy kandydataŭ u prezidenty pavinny drukavacca hazietami pa čarhovaści ich pastupleńnia. Pakul była nadrukavana tolki adna prahrama — Alaksandra Łukašenki. Dziaržaŭnyja ŚMI apublikavali jaje 27 listapada.

• 0
• 0
• 0
• 0
• 0
• 0
• 0
• 0