UUS prapanuje abmiežavać ich vyjavy na tavarach narodnaha spažyvańnia.
Dakładniej, nie samo narkatyčnaje zielle, a miłyja aplikacyi z vyšytymi na ich vostrymi liścikami. Skandał z-za taho, što ŭ kramach lehalna prapahandujecca narkotyk, uźniała adna z čytačak haziety «Viačerni Brest». Milicyja zreahavała chutka.
«U suviazi z uźnikłaj nieabchodnaściu ŭstanaŭleńnia vidavaj prynaležnaści lista raśliny, vyjaŭlenaha na aplikacyi, kafiedra bataniki i ekałohii bijałahičnaha fakulteta Bresckaha dziaržuniviersiteta imia A.S. Puškina, zładziła kamisijnaje daśledavańnie aplikacyi i ŭstanaviła, što «vyjaŭleny na aplikacyi list raśliny pa marfałahičnych prykmietach nie źjaŭlajecca vyjavaj lista kanoplaŭ (Canabis sativa)…
Pavodle artykuła 24 Zakona Respubliki Biełaruś ad 22 maja 2002 hoda № 102-3 "Ab narkatyčnych srodkach, psichatropnych rečyvach i ich prekursorach», u Respublicy Biełaruś zabaraniajecca rekłama narkatyčnych srodkaŭ, psichatropnych rečyvaŭ i ich prekursoraŭ u metach niezakonnaha ich vykarystańnia, heta značyć dziejnaść fizičnych i jurydyčnych asob, nakiravanaja na raspaŭsiudžvańnie źviestak ab sposabach i mietadach vyrabu i vykarystańnia, miescach spažyvańnia narkatyčnych srodkaŭ, psichatropnych rečyvaŭ i ich prekursoraŭ, a taksama vytvorčaść i raspaŭsiudžvańnie knižnaj pradukcyi, raspaŭsiudžvańnie nazvanych źviestak u srodkach masavaj infarmacyi, kampjutarnych sietkach, za vyklučeńniem infarmacyi ŭ śpiecyjalizavanych drukavanych vydańniach.
“Kanopli źjaŭlajucca syravinaj dla vyrabu narkatyčnych srodkaŭ (marychuana, hašyš i inšyja). Upraŭleńnie pa narkakantroli i supraćdziejańni handlu ludźmi kryminalnaj milicyi UUS raspracoŭvaje prapanovu ab uniasieńni źmianieńniaŭ u zakanadaŭstva, z metaj abmiežavać vyjaŭleńnie kanoplaŭ na tavarach narodnaha spažyvańnia (aplikacyi, aramatyzatary pavietra i inšyja) ", - havorycca ŭ paviedamleńni abłasnoha UUS.
Adnak pakul malavać kanopli na aplikacyjach, majkach, płakatach, akazvajecca, nie zabaroniena.
Kamientary