Jarasłaŭ Ramančuk trapiŭ u DTZ

Aŭtamabil «Falksvahien Holf», u jakim palityk i try členy jaho kamandy jechali na sustreču z vybarščykami ŭ Rahačoŭ (Homielskaja vobłaść), sutyknuŭsia ź inšaj lehkavoj aŭtamašynaj.

Heta adbyłosia 11 śniežnia prykładna ŭ 9.55 na 60-m kiłamietry trasy Homiel — Minsk, kala pavarotu na Buda-Kašalova. Aŭtamabil «Aŭdzi A3», jaki stajaŭ na abočynie,

pačaŭ niečakana vykonvać razvarot i vyjechaŭ na prajeznuju častku, na pałasu, pa jakoj, zachoŭvajučy chutkasny režym, ruchaŭsia «Falksvahien».

U toj momant pamiž mašynami zastavałasia adlehłaść pryblizna 10 mietraŭ. Vadziciel «Falksvahiena» Ivan Łabačoŭ pačaŭ rezkaje tarmažeńnie, ale avaryi paźbiehnuć nie ŭdałosia — mašyna ŭdaryłasia ŭ levy bok «Aŭdzi».

Spracavali paduški biaśpieki, dziakujučy jakim vadziciel i pasažyry «Falksvahiena» atrymali tolki ŭdary i drapiny.

Pavodle źviestak BiełaPAN, u Jarasłava Ramančuka drapiny na nahach i padbarodku, člen jaho vybarčaha štaba Zachar Michałkin taksama biez surjoznych paškodžańniaŭ. Vadziciel Ivan Łabačoŭ i Leanid Zaika — viadomy biełaruski ekanamist, davieranaja asoba Ramančuka — atrymali ŭdary hrudnoj kletki, jany majuć namier najbližejšym časam źviarnucca da daktaroŭ.

«Falksvahien» atrymaŭ mocnyja paškodžańni, poŭnaściu raźbita jaho piaredniaja častka.

U «Aŭdzi A3» paškodžany levy bok, stojka mocna defarmavana.

U hetaj mašynie znachodzilisia dva čałavieki — siaržant milicyi Pavieł Chrańkoŭ, nie ŭ milicejskaj formie,

i žančyna, pavodle papiaredniaj infarmacyi, jaho svajačka. Jany taksama surjozna nie paciarpieli.

Pavieł Chrańkoŭ prynios prabačeńni za stvoranuju im avaryjnuju situacyju. U

Jarasłava Ramančuka i členaŭ jaho kamandy stvaryłasia ŭražańnie, što avaryja nie była padstrojena, Chrańkoŭ nie dziejničaŭ złamysna.

«My jechali z soniečnaha boku, — raskazaŭ BiełaPAN Leanid Zaika. — Vidavočna, ad jarkaha sonca vadziciel «Aŭdzi» nas i nie ŭbačyŭ».

Milicyja i chutkaja dapamoha prybyli na miesca zdareńnia prykładna praz 40 chvilin paśla aŭtavaryi.

Vadziciel «Falksvahiena» Ivan Łabačoŭ zastaŭsia kala svajho aŭtamabila, čakajučy evakuatar, a Ramančuk, Zaika i Michałkin vyjechali ŭ Rahačoŭ na mašynie, jakuju za imi prysłali aktyvisty AHP z Rahačova. Pavodle apošnich źviestak, u rajonny centr jany ŭžo paśpiachova dabralisia, pryblizna ŭ 12.00 tam pačałasia sustreča ź miascovymi vybarščykami.

«Nie dumaju, što heta aŭtakatastrofa była padstrojena,

Pierad samoj avaryjaj, znachodziačysia ŭ aŭtamabili pa darozie ŭ Rahačoŭ, Ramančuk rabiŭ na noŭtbuku čarhovy zapis u svaim internet-dziońniku, jaki jon viadzie śpiecyjalna dla internet-haziety Naviny.by («Biełorusskije novosti»). Najbližejšym časam jon bolš padrabiazna apiša abstaviny zdareńnia i ŭsio, što im spadarožničała.

• 0
• 0
• 0
• 0
• 0
• 0