Prapanuju vam siońnia adnu z samych smačnych stravaŭ, jakuju biełaruskaja kuchnia zapazyčyła ź jaŭrejskaj — faršyravanaha karpa pa pravieranym minskim recepcie. Hatavać jaho nie prosta i nie chutka, ale vynik budzie varty. Hości zapomniać hetuju stravu nadoŭha.
2 kh čyščanaha (biez vantrobaŭ i łuski) karpa, dźvie cybuliny, 1 łusta biełaj niesałodkaj bułki, adno jajka, čorny pierac mołaty, sol, cukar.
Dla varki karpa: 2 ł chałodnaj vady, 2 morkvy, 2 cybuli, 5–6 ziarniataŭ piercu haroškam čornaha, 2–3 ziarniaty piercu duchmianaha, sol, cukar.
Pry padačy: chren abo harčyca.
Jak dla faršu, tak i dla varki ryby cukar treba brać u pałavinnym pamiery ad kolkaści soli.
Bułku namačyć.
Karpaŭ ačyścić ad łuski (lepš brać lustranych karpaŭ). Vydalić vantroby, nie robiačy pradolnaha razrezu. Adrezać hałovy, vybrać ź ich žabry i vočy.
Ačyščanyja tuški karpa parezać kavałačkami taŭščynioj 4–6 sm. Vostrym nažom vybrać miakać kala kostak, nie škodziačy skuru.
Hetuju miakać razam z cybulaj i vymačanaj bułkaj 2 razy prapuścić praź miasarubku, dadać pierac, sol, cukar, uźbitaje jajka (možna ŭźbivać videlcam abo miksieram) i vadu, u jakoj vymočvałasia bułka. Usio dobra pieramiašać i ŭźbić (videlcam abo miksieram).
Zapoŭnić pryhatavanym faršam kavałki ryby: spačatku kavałki tuški, zatym hałovy.
U šyroki rondal (kastrulu) pakłaści morkvu, cybulu kołcami, trochi cybulnaha šałupińnia, sol, cukar, pierac. Nalić 2 ł chałodnaj vady (vady treba stolki, kolki kiłahramaŭ ryby) i pastavić na ahoń. Paśla taho, jak zakipić vada, pakłaści na dno rybinyja hałovy, a zatym usiu astatniuju nafaršyravanuju rybu.
Varyć na vialikim ahni u adkrytym rondali 1–1,5 hadziny. Za 20 chvilin da kanca varki ulić
Pakinuć pryhatavanuju rybu u hetym rondali na 6–8 hadzin.
Zatym raskłaści kavałki ryby na bludy, zalić pracedžanaj vadkaściu ad varki, achaałdzić u ladoŭni da stvareńnia žele.
Pry varcy ryby možna pakłaści niekalki skrylikaŭ čyrvonaha buraka.
Padać faršyravanuju rybu z chrenam ci harčycaj.
NB
Kamientary