Akcyja salidarnaści z palitźniavolenymi prajšła ŭ Mahilovie viečaram 19 studzienia. U joj uziali ŭdzieł piać čałaviek.
Pieršapačatkova akcyja, jakuju arhanizavali členy zarehistravanaha ŭ Čechii «Maładoha frontu» i zvyčajnyja hramadzianie, pavinna była prajści kala pomnika Leninu na adnajmiennaj płoščy ŭ 20.00. Adnak supracoŭniki milicyi, jakija znachodzilisia na płoščy, nie dapuścili jaje praviadzieńni, zajaviŭšy, što ŭdzielniki buduć pryciahnuty da adkaznaści za parušeńnie zakanadaŭstva ab masavych mierapryjemstvach. Taksama milicyjaniery śviedčyli asoby ŭdzielnikaŭ akcyi.
Paśla zabarony zapalić śviečki kala padnožža pomnika tyja, chto sabraŭsia vykazać salidarnaść z palityčnymi źniavolenymi, pieramiaścilisia da pravasłaŭnaha sabora Troch Śviacicielaŭ, što znachodzicca niepadalok. Na prystupkach carkvy jany rasstavili niekalki zapalenych śviečak, cicha pračytali vieršy i malitvy za spraviadlivaść i razyšlisia.
Padčas akcyi kala pomnika Leninu i carkvy supracoŭniki milicyi pravodzili fotazdymańnie. Udzielniki akcyi, u svaju čarhu, pierapisali danyja milicyjanieraŭ.
Kamientary