Fatohraf adsłužyŭ svaje paŭtara hoda i na zaviaršeńnie stvaryŭ šykoŭny dembielski albom.
Fatohraf adsłužyŭ svaje paŭtara hoda i na zaviaršeńnie stvaryŭ šykoŭny dembielski albom.
Apošni viečar i noč u armii — siońnia doŭhačakany dembiel. Radaści nie chavaje nichto. Źmiašanaje pačućcio ź lohkaj žurboty — usio skančajecca. Dembieli rychtujuć formu — načyščajuć vypalenyja hidrolizam ŭ salanym rastvory miednyja blachi, dumajuć, jak buduć nieprykmietna ad aficeraŭ apranać dembielskuju formu i hurtam u ciahnikach jechać pa chatach. 18 strajavych krokaŭ ad bramy KPP — stolki miesiacaŭ słužyli, dembielskija pieśni i biassonnaja noč. Heta ich čas i ich dzień — takoha ŭžo nie budzie… Zaŭtra pieršy dzień zvalnieńnia ŭ zapas vajskoŭcaŭ biełaruskaj armii. Da kanca studzienia hety dzień buduć pamiatać kala 15 tysiač terminoŭcaŭ…
…
Špacyr na placy z dembielskimi pieśniami i apošniaj viečarovaj pavierkaj. Biassonnaja noč na łožku ź mietaličnaj sietkaj biez matraca — tak śpiać u apošni dzień. Snoŭdajucca i «palać kantoru» adkaznyja aficery. Sproby źniać apošniuju dembielskuju historyju pad lampačkaj u 40 Vat. Pačarhovaje raźvitańnie ź siabrami, jakich za 547 dzion paśpieŭ spaznać zanadta blizka. 18 strajavych ad bramy KPP i šapki ŭ nieba. Tanny kańjak na pieronie i nierazumieńnie ŭ pohladach «hraždanskich».
«Hraždanka» sustreła trupam źbitaha elektryčkaj badziažnaha sabaki, drenna pačyščanymi tratuarami i dziŭnaj niaźmiennaściu vulic, damoŭ i ludziej. Pakolki ałkaholny adździeł kramy adkryŭsia raniej, čym punkt apłaty pasłuh za Internet, vychodžu na suviaź tolki ciapier. Usio prajšło.
UPD
Pytańnie, što zaraz rabić «na hraždancy», moža stracić aktualnaść — tolki što znajšoŭ list ź miascovaha HAUS — zaprašajuć iści pracavać u milicyju. Až nastroj padniali))). Budu dumać.
Kamientary