I chaj zaraz usio
Nie biary hetych tryccać, kab potym
Žart nie staŭ žyćciapisam tutejšaha —
«Ja naradziŭsia za drotam».
Usio budzie stabilna da młosnaści
Čarhovy kurs chimijaterapii
Prapisany mienšaściu bolšaści
Voŭčym žachlivym vyjem.
A ty paskuli la vakolicy
Pad homan savieckich maršaŭ
Pad tupat žaŭnierskich botaŭ dy końnicy
Pa horła ŭ kryvi, z hałavoju ŭ falšy
Ale rany nieŭzabavie zaciahnucca
Nie projdzie navat i miesiaca
Tolki bol u narodavaj pamiaci
Nie vypalić chłuśnioj ci Akreścinam
Jak nie vypalić z serca kachanuju
Nie zabyć chatu staruju dziedavu
U Kurapatach ludziej pachavańni
Apraŭdańni śviatymi metami
Usio budzie stabilna da lutaści
Da šalenstva ci samahubstva
A žyćcio z abyjakavaj chutkaściu
Šče dakaža tabie tvajo hłupstva
Homo homini kim tolki nie pryjdziecca
U krainie pad biełymi kryłami
I vaŭkami, i kulaj u patylicy
I adbitkam z vačyma zastyłymi
Šerym koleram forma milicyi
Razmaluje na śviaty krainu
Valnadumnyja nadta ambicyi
Don Kichoty dziaržaŭnaha młynu
Usio budzie stabilna i viesieła
Praca vyzvalić — heta my pomnim
La pahanskaha vohnišča ź pieśniami
Dla taho, chto raŭniejšy za roŭnych
I chaj zaraz usio
Nie biary hetych tryccać, kab potym
Žart nie staŭ žyćciapisam tutejšaha —
«Ja naradziŭsia za drotam».
Ciapier čytajuć
Babaryka: Kali b my pieramahli — vajny va Ukrainie nie było b20
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary