Ivaškievič, Viačorka zasnoŭvajuć partyju «Biełaruski ruch»
Jany adździalilisia ad Partyi BNF, na vybarach padtrymlivali Sańnikava.
Jany adździalilisia ad Partyi BNF, na vybarach padtrymlivali Sańnikava.
11 lutaha ŭ Minsku byŭ stvorany arhkamitet novaj palityčnaj partyi
Pasiedžańnie adbyłosia ŭ siadzibie niezaležnaha prafsajuza radyjoelektronnaj pramysłovaści.Tamsama ŭ časie vybaraŭ adbyvalisia publičnyja imprezy Andreja Sańnikava. Nievypadkova: adzin z arhanizataraŭ novaj partyi, Viktar Ivaškievič, byŭ adnoj z centralnych fihur u štabie Sańnikava. A moładź z frakcyi na čale z Franakam Viačorkam brała ŭ kampanii Sańnikava čynny ŭdzieł.
Na schod u prafsajuźnikaŭ sabrałasia pad sotniu čałaviek. Siarod ich adzin z zasnavłanikaŭ Partyi BNF prafiesar Juryj Chadyka, vieterany ruchu za niezaležnaść Viktar Ivaškievič, Vincuk Viačorka i syn apošniaha Franak, byłaja sakratarka staršyni Viarchoŭnaha Savieta Valancina Śviackaja, palitołah Vacłaŭ Areška, architektarka Iryna Łaŭroŭskaja ź Bieraścia, inžynier Alaksandr Miech z Kobryna.
Ruchavikom novaj partyi stali asabistyja matyvy. Adny ź inicyjataraŭ niazhodnyja z kursam na sajuz ź Milinkievičam, jaki pravodzić ciapierašniaje kiraŭnictva Partyi BNF. Druhija supierničali ź ludźmi
U jakaści pracoŭnaj nazvy novaj partyi abrany vyraz «Biełaruski Ruch».Jaje mety patłumačyŭ dla radyjo «Svaboda» Viktar Ivaškievič: «U suviazi z tym, što aficyjny kandydat na prezidenta ad Partyi BNF Ryhor Kastusioŭ u apošnija miesiacy zrabiŭ šerah zajavaŭ, ź jakimi my nie možam pahadzicca: padčas prezydenckaj kampanii zamiest krytyki Łukašenki vystupiŭ z krytykaj svaich kalehaŭ pa baraćbie z režymam, vystupiŭ z artykułam, dzie zajaviŭ, što Łukašenka vykonvaje prahramu BNF, i jon spadziajecca, što Kola Łukašenka pračytaje padorany im bukvar i stanie ŭ pierśpiektyvie „charošym“ kiraŭnikom dziaržavy. U suviazi z tym, što sp. Kastusiovym było dadzienaje niedarečnaje intervju na Biełaruskim telebačańni ŭ toj čas, kali ŭsie kandydaty na prezidenta siadzieli ŭ turmie. U suviazi z tym, što Kastusioŭ zajaviŭ, što jon suprać ekanamičnych sankcyjaŭ, kali ŭsie demakratyčnyja siły vystupajuć za maksimalna mahčymy cisk na režym z metaj vyzvaleńnia palitviaźniaŭ. Uličvajučy heta, my vyrašyli stvaryć asobnuju palityčnuju partyju».
Partyja stanie jašče adnym sa šmatlikich arhkamitetaŭ, časam virtualnych, što fihurujuć na palityčnaj arenie.Jany isnujuć jak u kaalicyi, blizkaj da Milinkieviča, tak i ŭ procilehłym kanhłamieracie siłaŭ, sajuznych z partyjaj «Spraviadlivy śviet» Kalakina i kampanijaj «Havary praŭdu». Praces drableńnia palityčnych siłaŭ praciahvajecca ŭ časie, kali 52 asoby prachodziać pa kryminalnaj spravie ab «biesparadkach».
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary