«Telefonnaha terarysta» vyličyli za 10 chvilin i złavili prosta ŭ elektryčcy
Za padmannaje paviedamleńnie ab miniravańni elektryčki ŭ joj ža zatrymany43-hadovy žychar Hancavičaŭ.
Jak paviedamiŭ BiełaPAN pieršy namieśnik načalnika Baranavickaha adździeła ŭnutranych spraŭ na transparcie Siarhiej Fiasiun, 11 lutaha kala 16.00 pa telefonie 102 pazvaniŭ nieviadomy, jaki zajaviŭ, što
elektraciahnik znosinami Minsk — Baranavičy moža ŭzarvacca.
Atrymanaja infarmacyja była apieratyŭna apracavanaja i praz 10 chvilin u hetym ža elektraciahniku narad supravadžeńnia Baranavickaha AUST, jaki zabiaśpiečvaŭ achovu hramadskaha paradku ŭ elektryčcy, zatrymaŭ taho, chto zvaniŭ.
Im akazaŭsia žychar Hancavičaŭ 1967 hoda naradžeńnia. Jon zvaniŭ u milicyju sa svajho mabilnaha telefona.
Na najbližejšaj stancyi Haradzieja z elektryčki byli evakujavany kala tysiačy pasažyraŭ.
Sapiory nijakich vybuchovaniebiaśpiečnych pradmietaŭ nie znajšli. Elektraciahnik byŭ zatrymany na 1 hadzinu 40 chvilin.
«Minior» źmieščany ŭ IČU Baranavickaha RAUS. U dačynieńni da jaho raspačata sprava na padstavie č. 1 art. 340 Kryminalnaha kodeksa RB (zaviedama padmannaje paviedamleńnie ab niebiaśpiecy).
Mužčyna pracuje vachtavym mietadam u Rasii. Jon zvaniŭ u milicyju, budučy ŭ stanie ałkaholnaha apjanieńnia, pryčynu svajho ŭčynku rastłumačyć nie zmoh. Rajon, dzie było zafiksavana zdareńnie, uvachodzić u zonu absłuhoŭvańnia Baranavickaha AUST.
Ciapier čytajuć
U Varšavu pryjechała sotnia biełaruskich palitviaźniaŭ11
Kamientary