U Słucku raptoŭna pamior Ivan Cedryk — hramadzki aktyvist, kiraŭnik słuckaj inicyjatyŭnaj hrupy kandydata ŭ prezydenty Andreja Sańnikava. Jamu išoŭ 61-y hod.
Słovy raźvitańnia havoryć Uładzimier Kobiec — kiraŭnik vybarčaha štabu Andreja Sańnikava:
«Jon byŭ cudoŭny i pracavity čałaviek. I taja dobraja sustreča našaha kandydata z vybarcami ŭ Słucku — na jaho rachunku. Nahadaju, što prezydenckaja vybarčaja kampanija pačynałasia vielmi chutka, i kali ludzi, jakija prychodzili da nas pracavać, demanstravali svaju pracazdolnaść, to zastavalisia ŭžo. Voś jon mienavita z tych ludziej, jakija staranna pracavali i arhanizoŭvali pracu. Jon byŭ u Słucku sapraŭdnym lideram, arhanizataram spraŭ štabu».
Udzielnik inicyjatyŭnaj hrupy Andreja Sańnikava ŭ Słucku Anatol Bohuš:
«My ź Ivanam Ivanavičam stała źbirali podpisy.Asabliva aktyŭna jon heta rabiŭ u našym 11-m haradku. U hetaj pracy jon byŭ vielmi sumlenny. Tłumačyŭ: «Budu zmahacca suprać Łukašenki!»
Šmat hadoŭ mnohija słučaki viedali Ivana Cedryka pa jaho spravach u budaŭnictvie. Jon pracavaŭ u dziaržaŭnaj arhanizacyi, jakaja kamplektavała haradzkija i sielskija budoŭli materyjałami.
U siamji niabožčyk pakinuŭ darosłych syna i dačku, a taksama troch unukaŭ. Paviedamiła spadarynia Natalla:
«My jaho apošnim časam šmat adhavorvali, tamu što baraćba za spraviadlivaść vielmi mocna padryvała jaho zdaroŭje. Usie rodnyja jamu davodzili: „My ciabie dobra viedajem i razumiejem“, ale jon usio roŭna zmahaŭsia. Vielmi šmat listoŭ prezydentu dasyłaŭ. Lubiŭ jon žyćcio, chacieŭ žyć, vielmi lubiŭ dziaciej i ŭnukaŭ…»
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary